நடிகர் மாதவன் பெருமிதம்... 5 தங்கப் பதக்கங்களை வென்று வேதாந்த் சாதனை!
தமிழ் திரையுலகில் ‘ரன்’ படத்தில் அறிமுகமாகி அலைபாயுதே , ஜேஜே என ரொமாண்டிக் சாக்லேட் பாய் ஆக வலம் வந்தவர் நடிகர் மாதவன். சுதா கொங்கரா இயக்கத்தில் வெளியான இறுதிச் சுற்று திரைப்படம் மூலம் தமிழில் கம்பேக் கொடுத்த மாதவன், ராக்கெட்ரி படம் மூலம் இயக்குனராகவும் அவதாரம் எடுத்துள்ளார். தற்போது தமிழில் மித்ரன் ஆர் ஜவஹர் இயக்கும் ஒரு படத்திலும், சசிகாந்த் இயக்கத்தில் கிரிக்கெட்டை மையமாக வைத்து இயக்கும் ஒரு படத்திலும் நடித்து வருகிறார். இப்படத்தில் மாதவன் உடன் நயன்தாரா மற்றும் சித்தார்த் ஆகியோரும் நடித்து வருகின்றனர்.
Credits to you and your wife for the sacrifice and right decisions taken to nurture him ..God bless🌺 https://t.co/MYp2qrCzdL
— A.R.Rahman (@arrahman) April 16, 2023
இப்படி மாதவன் நடிப்பில் பிசியாக இருக்க, மறுபக்கம் அவரது மகன் வேதாந்த், நீச்சல் போட்டிகளில் கலக்கி வருகிறார். நீச்சல் வீரரான வேதாந்த், சர்வதேச நீச்சல் போட்டிகளில் கலந்துகொண்டு பதக்கங்களை அள்ளி குவித்து வருகிறார். அந்த வகையில் தற்போது மலேசியா நாட்டின் தலைநகர் கோலாலம்பூரில் நடந்த மலேசியன் இன்விடேசனல் சாம்பியன்ஷிப் போட்டிகளில் கலந்து கொண்டார். அதில் இந்தியாவுக்கு 5 தங்க பதக்கங்களை வென்று சாதனை படைத்துள்ளார். இதன்படி 50 மீட்டர், 100 மீட்டர், 200 மீட்டர், 400 மீட்டர் மற்றும் 1500 மீட்டர் ஆகிய பிரிவுகளில் தங்க பதக்கங்கள் பெற்றுள்ளார். இதனால் வேதாந்த் சர்வதேச அளவில் கவனம் ஈர்க்கப்பட்டு பெருமை சேர்த்துள்ளார். இதனை நடிகர் மாதவன் தனது இன்ஸ்டாகிராமில் பதிவிட்டுள்ளார்.
அந்த பதிவில் கடவுளின் கருணையாலும் மற்றும் உங்களுடைய நல்வாழ்த்துகளாலும் மலேசியாவின் கோலாலம்பூர் நகரில் வார இறுதியில் நடந்த 2023ம் ஆண்டுக்கான மலேசியன் இன்விடேசனல் சாம்பியன்ஷிப் போட்டிகளில் வேதாந்த் கலந்துகொண்டார். இந்த போட்டிகளில் இந்தியாவுக்காக 50 மீட்டர், 100 மீட்டர், 200 மீட்டர், 400 மீட்டர் மற்றும் 1500 மீட்டர் என மொத்தம் 5 தங்க பதக்கங்களை வென்று குவித்துள்ளார். மகிழ்ச்சி அடைந்தேன். நன்றிகள் என தெரிவித்து உள்ளார். ஆடவர் 100 மீட்டர், 200 மீட்டர் மற்றும் 1,500 மீட்டர் ஆகிய பிரிவுகளில் கலந்து கொண்டு 3 தங்க பதக்கங்களையும் மற்றும் ஆடவர் 400 மீட்டர் மற்றும் 800 மீட்டர் பிரிவில் 2 வெள்ளி பதக்கங்களையும் வென்று இருப்பது குறிப்பிடத்தக்கது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!