இரவு 6 மாவட்டங்களில் வெளுத்து வாங்கப் போகும் மழை!

தமிழகத்தில் கடந்த சில நாட்களாகக் கோடை வெயில் சுட்டெரித்து வந்த நிலையில், தற்போது தென்னிந்தியப் பகுதிகளின் மேல் நிலவும் வளிமண்டல கீழடுக்கு சுழற்சி காரணமாகப் பல்வேறு மாவட்டங்களில் வானிலை மாற்றமடைந்துள்ளது. இதன் தாக்கத்தால், இன்று (மார்ச் 20, 2026) தமிழகத்தின் பல பகுதிகளில் இதமான மழை பெய்து வருகிறது.

இந்நிலையில், சென்னை வானிலை ஆய்வு மையம் வெளியிட்டுள்ள லேட்டஸ்ட் அறிவிப்பின்படி, இன்று இரவு   கன்னியாகுமரி, திருநெல்வேலி, தூத்துக்குடி, தென்காசி, தேனி மற்றும் விருதுநகர் ஆகிய 6 மாவட்டங்களில் இடி மற்றும் மின்னலுடன் கூடிய லேசானது முதல் மிதமான மழை பெய்ய வாய்ப்புள்ளதாகத் தெரிவிக்கப்பட்டுள்ளது. இந்தத் திடீர் மழைப்பொழிவால் அந்தந்த மாவட்டங்களில் வெப்பம் தணிந்து குளிர்ச்சியான சூழல் நிலவி வருகிறது.

வளிமண்டல சுழற்சியின் காரணமாக மேகமூட்டம் நிலவுவதால், வரும் மார்ச் 22-ஆம் தேதி வரை தமிழகம், புதுச்சேரி மற்றும் காரைக்கால் பகுதிகளில் ஒருசில இடங்களில் லேசான மழை பெய்யக்கூடும் என்றும் கணிக்கப்பட்டுள்ளது. குறிப்பாக, கடலோர மாவட்டங்களில் வெப்பம் சற்று தணிந்து காணப்படும். இருப்பினும், மார்ச் 23-ஆம் தேதிக்கு பிறகு வெப்பம் மீண்டும் அதிகரிக்கத் தொடங்கும் என்பதால், மழையை அனுபவிக்க இதுவே சரியான தருணம் என வானிலை ஆர்வலர்கள் தெரிவித்துள்ளனர். மழையின் போது இடி, மின்னல் ஏற்பட வாய்ப்புள்ளதால், திறந்தவெளியில் மற்றும் மரங்களின் அடியில் நிற்பதைத் தவிர்க்குமாறு பொதுமக்கள் அறிவுறுத்தப்பட்டுள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!