உதயச்சந்திரன் உள்ளிட்ட 7 ஐஏஎஸ் அதிகாரிகளுக்கு தலைமைச் செயலாளர் அந்தஸ்து பதவி உயர்வு!
2026-ம் ஆண்டு பிறக்கவுள்ள நிலையில், தமிழக அரசு தனது நிர்வாக இயந்திரத்தில் முக்கிய மாற்றத்தை மேற்கொண்டுள்ளது. நிதித்துறை செயலாளர் உதயச்சந்திரன் உள்ளிட்ட 7 மூத்த ஐஏஎஸ் அதிகாரிகளுக்கு 'தலைமைச் செயலாளர்' அந்தஸ்து (Additional Chief Secretary) வழங்கி தமிழக அரசு அரசாணை வெளியிட்டுள்ளது.
தமிழகத்தில் 1995-ம் ஆண்டு ஐஏஎஸ் அதிகாரிகள் குழுவைச் சேர்ந்த (1995 Batch) மூத்த அதிகாரிகளுக்கு, அவர்களின் நீண்டகால அனுபவம் மற்றும் சேவையைப் பாராட்டி இந்த உயர் பதவி வழங்கப்பட்டுள்ளது. இந்த புதிய பதவி உயர்வு வரும் 2026, ஜனவரி 1-ம் தேதி முதல் அதிகாரப்பூர்வமாக நடைமுறைக்கு வரும் என அறிவிக்கப்பட்டுள்ளது. கட்சியின் முக்கியத் திட்டங்களைச் செயல்படுத்துவதில் முன்னணியில் இருக்கும் அதிகாரிகள் பலருக்கு இந்த உயர்வு கிடைத்துள்ளது.
நிதித்துறை முதன்மைச் செயலாளராகப் பணியாற்றி வரும் த. உதயச்சந்திரன், முதல்வரின் நம்பிக்கைக்குரிய அதிகாரியாகக் கருதப்படுபவர். இவருக்கு இப்போது தலைமைச் செயலாளர் அந்தஸ்து வழங்கப்பட்டுள்ளது. சென்னை மெட்ரோ ரயில் (CMRL) திட்டத்தை வேகப்படுத்தி வரும் எம்.ஏ. சித்திக்கும் பதவி உயர்வு அளிக்கப்பட்டுள்ளது.
மருத்துவம் மற்றும் மக்கள் நல்வாழ்வுத் துறைச் செயலாளராகச் சிறப்பாகச் செயலாற்றி வரும் பி. செந்தில்குமாருக்கும் இந்த அங்கீகாரம் கிடைத்துள்ளது. பள்ளிக் கல்வித் துறைச் செயலாளர் பொறுப்பில் உள்ள டாக்டர் பி. சந்திரமோகன் தலைமைச் செயலாளர் அந்தஸ்துக்கு உயர்த்தப்பட்டுள்ளார். இவர்களுடன் ஆர். ஜெயா (புள்ளியியல் துறை ஆணையர்), சந்தியா வேணுகோபால் சர்மா (டிட்கோ தலைவர்) மற்றும் மத்திய அரசுப் பணியில் இருக்கும் ஹிதேஷ் குமார் மக்வானா ஆகியோருக்கும் இந்த அந்தஸ்து வழங்கப்பட்டுள்ளது.
அடுத்ததாக வரவிருக்கும் 2026 சட்டமன்றத் தேர்தலுக்கு முன்னதாக, நிர்வாக ரீதியாக அனுபவம் வாய்ந்த அதிகாரிகளை மிக உயரிய பொறுப்புகளில் அமர்த்துவது அரசின் திட்டங்களை விரைந்து செயல்படுத்த உதவும் என எதிர்பார்க்கப்படுகிறது. இந்த பதவி உயர்வு அதிகாரிகளின் ஊதியம் மற்றும் பொறுப்பு நிலையை மேலும் வலுப்படுத்தும்.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!