விட்டாச்சு லீவு... சுற்றிப் பார்க்க இந்தியாவிலும், வெளிநாட்டிலும் டாப் 10 லிஸ்ட் இது தான்!
விடுமுறை காலத்தின் தொடக்கத்தில் இருக்கிறோம், இந்தியர்கள் ஏற்கனவே தாங்கள் இரண்டு ஆண்டுகளுக்குப் பிறகு அதிக இடங்களுக்குப் பயணம் செய்வதற்கும் ஆராய்வதற்கும் திட்டங்களைத் தொடங்கியுள்ளனர். அத்தகைய பயணிகளுக்கு உதவ, ஆன்லைன் பயண முகமை Booking.com ன் சமீபத்திய தேடல் தரவு போக்குகள், உள்நாட்டில் கோவா மற்றும் புதுச்சேரிக்குள் பார்வையிட மிகவும் பிரபலமான கடற்கரை இடங்கள் என்பதை வெளிப்படுத்தியுள்ளன.
Booking.comன் தரவுகளின் படி இந்தியா, இலங்கை, மாலத்தீவு மற்றும் இந்தோனேசியாவின் மேலாளர் சந்தோஷ் குமார் கூறுகையில், “பயணத்தை சாதாரணமாக எடுத்துக் கொள்ளக் கூடாது என்பதை அனுபவங்கள் கடந்த சில ஆண்டுகளாக எங்களுக்குக் கற்றுக் கொடுத்துள்ளது. இரண்டு வருட பயணக் கட்டுப்பாடுகளுக்குப் பிறகு, பயணிகள் வெளிநாடுகளுக்கு பயணம் செய்வதைப் பற்றி அதிக நம்பிக்கையுடன் உணர்கிறார்கள்” என்று ஒரு செய்தி நிறுவனத்திடம் தெரிவித்துள்ளார்.
Booking.com பயண நம்பிக்கைக் குறியீட்டின் படி, 'கடற்கரை, இயற்கை. மலைகள் மற்றும் சாலைப் பயணங்கள் ஆகியவை உள்நாட்டுப் பயணிகளால் விரும்பப்படும் முதல் 5 பயணங்களில்' அடங்கும். மேலும், உள்நாட்டு இடங்களுள், பாண்டிச்சேரி முதலிடத்தில் உள்ளது அதைத் தொடர்ந்து லோனாவாலா மற்றும் மணாலி உள்ளது.
வரவிருக்கும் விடுமுறை காலத்திற்கு முன்னதாக பயணிகள் செய்த முன்பதிவுகளை அடிப்படையாகக் கொண்ட இந்த அறிக்கை, உள்நாட்டு மற்றும் சர்வதேச இடங்களுக்கு இந்திய பயணிகளின் சிறந்த தேர்வுகள் பற்றிய நுண்ணறிவுகளை வழங்குகிறது.
“இந்தியப் பயணிகள் இந்தியாவிற்குள்ளேயும் வெளிநாட்டிலும் வெவ்வேறு இடங்களை நோக்கிய நேர்மறையான பார்வையுடன் ஆராய்வதைப் பார்ப்பது ஊக்கமளிக்கிறது. மக்கள் ஆர்வத்துடன் தங்களுடைய விடுமுறை நாட்களை முன்பதிவு செய்யும் போது, Booking.com இந்த ஆண்டு இறுதியிலும் அதற்குப் பின்னரும் இந்த வெவ்வேறு இடங்கள் வழங்குவதை அனுபவிப்பதால், ஒவ்வொருவரும் தங்களின் தனித்துவமான பயண நினைவுகளை உருவாக்குவதை எளிதாக்கும்,” என்று குமார் மேலும் கூறினார்.
இந்தியாவில் உதய்பூர் மற்றும் ஜெய்ப்பூர் ஆகியவை வரலாற்று சிறப்புமிக்க இடங்களாகவும், லோனாவாலா, மணாலி, மூணார் மற்றும் சிம்லா ஆகியவை மிகவும் விரும்பப்படும் மலை வாசஸ்தலங்களாகவும் இருப்பதாகவும் அறிக்கையின் வாயிலாக தெரிய வருகிறது. இது தவிர, டிசம்பர் 24 மற்றும் ஜனவரி 2 க்கு இடையில் செக்-இன் தேதிகளுடன் அதிகம் தேடப்பட்ட முதல் பத்து உள்நாட்டு பயண இடங்கள் சமீபத்திய அறிக்கையும் வெளிப்படுத்தியுள்ளது:
இந்தியாவின் முதல் பத்து பயண இடங்களாக புதுச்சேரி.லோனாவாலா, மணாலி, உதய்பூர், மும்பை , ஜெய்ப்பூர் , கோவா , பெங்களூரு, மூணாறு, சிம்லா ஆகியவை முக்கிய இடத்தை பிடிக்கின்றன. இந்தியாவின் முதல் 10 சர்வதேச பயண இடங்களில் துபாய், (ஐக்கிய அரபு எமிரேட்ஸ்), பாங்காக் (தாய்லாந்து), சிங்கப்பூர், லண்டன், (யுகே) பாரிஸ் (பிரான்ஸ்) படோங் கடற்கரை,(தாய்லாந்து), மாலத்தீவு, கொழும்பு (இலங்கை). ஃபூகெட், (தாய்லாந்து) பாலி (இந்தோனேசியா) ஆகியவை உள்ளன.
நம்ம ஊர்ல ஒரு பழமொழி சொல்வாங்க முடி உள்ள சீமாட்டி எப்படி வேணும்னாலும் கொண்டை போடலாம்னு நம்ம பாக்கெட்ல எவ்வளவு கனம் இருக்கோ அதுக்கேற்ற மாதிரி நாமும் திட்டத்தை வடிவேல் சொல்வது போல ப்ளா....ன் பண்ணிக்குவோம் சரி தானே? அடுத்த வாரம் தமிழகத்திலேயே இருக்கும் கண்ணுக்கு குளிர்ச்சியான இடங்களை பார்க்கலாம்...ஒகே வா?
சபரிமலை போறீங்களா?! 60 நாட்களுக்கு உணவு, தங்குமிடம் எல்லாமே இங்கே ஃப்ரீ தான்!!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!!