அச்சச்சோ... புதுவருஷம்.. பொங்கல், தீபாவளின்னு எல்லாமே ஞாயிற்றுக்கிழமைல வருது! 2023 விடுமுறை முழு பட்டியல்!
நாளை புது வருஷம் துவங்கப்போகிறது. சமூக வலைத்தளங்களில் நேற்றில் இருந்தே புது வருஷத்தை வரவேற்க துவங்கி விட்டார்கள். 2கே கிட்ஸ் அலப்பறைகளில், இந்த புது வருஷ பொதுவிடுமுறை, பண்டிகை தினங்களில் பெரும்பாலானவை ஞாயிற்றுக்கிழமைகளில் வருகிறது என்பது தான் டாப் மீம்ஸ்களாக வலம் வந்து கொண்டிருக்கின்றன. 2023ம் ஆண்டில் அரசு ஊழியர்களுக்கான பொது விடுமுறை பட்டியலிலும் ஞாயிற்றுக்கிழமைகளில் அதிகளவிலான பண்டிகைகள் வருகின்றன. முக்கிய பண்டிகைகள் , விழாக்களுக்கு அரசு ஊழியர்களுக்கு பொதுவிடுமுறை அளிக்கப்படுவது வழக்கமாக இருந்து வருகிறது. அந்த வகையில் 2023ம் ஆண்டிற்கான விடுமுறை பட்டியலில் ஞாயிற்றுக் கிழமைகள் தவிர்த்து, 24 நாட்களுக்கு பொதுவிடுமுறை அறிவிக்கப்பட்டுள்ளது.
அரசு தலைமைச் செயலர் வெளியிட்டுள்ள செய்தி குறிப்பில், "பொது விடுமுறை நாட்களாகக் குறிப்பிடப்பட்ட ஞாயிற்றுக்கிழமைகளுடன் பின்வரும் நாட்களும் 2023-ம் ஆண்டிற்கான பொது விடுமுறை நாட்களாகக் கருதப்படும்" எனக் கூறியுள்ளார்.
2023ம் ஆண்டுக்கான பொது விடுமுறை பட்டியல்:
ஜனவரி 1 - ஆங்கிலப் புத்தாண்டு.
ஜனவரி 15- தைப்பொங்கல்
ஜனவரி 16-திருவள்ளுவர் தினம்
ஜனவரி17-உழவர் தினம்
பிப்ரவரி 5-தைப்பூசம்
மார்ச் 22- தெலுங்கு வருடப்பிறப்பு
ஏப்ரல் 1- வங்கி ஆண்டு கணக்கு முடிவு
ஏப்ரல் 4- மகாவீர் ஜெயந்தி
ஏப்ரல் 7 -புனித வெள்ளி
ஏப்ரல் 14- தமிழ் புத்தாண்டு
ஏப்ரல் 22- ரம்ஜான்
மே 1-மே தினம்
ஜூன் 29- பக்ரீத்
ஜூலை 29- மொகரம்
ஆகஸ்ட் 15- சுதந்திர தினம்
செப்டம்பர் 6-கிருஷ்ண ஜெயந்தி
செப்டம்பர் 17-விநாயகர் சதுர்த்தி
செப்டம்பர் 28- மிலாடி நபி
அக்டோபர் 2- காந்தி ஜெயந்தி
அக்டோபர் 23 -ஆயுத பூஜை
அக்டோபர் 24 - விஜய தசமி
நவம்பர் 12 - தீபாவளி
டிசம்பர் 25- கிறிஸ்துமஸ்
மொத்தம் 24 நாட்கள் பொது விடுமுறை தினங்களாக அறிவிக்கப்பட்டுள்ளது. இதில் ஆங்கிலப் புத்தாண்டு, பொங்கல், தைப் பூசம், விநாயகர் சதுர்த்தி, தீபாவளி உட்பட 8 நாட்கள், சனி மற்றும் ஞாயிற்றுக்கிழமைகளில் வருவது குறிப்பிடத்தக்கது. இந்த அறிவிப்பு, தமிழகத்தில் உள்ள வணிக வங்கிகள் மற்றும் கூட்டுறவு வங்கிகளுக்கு மட்டுமே பொருந்தும் .
சபரிமலை போறீங்களா?! 60 நாட்களுக்கு உணவு, தங்குமிடம் எல்லாமே இங்கே ஃப்ரீ தான்!!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!!