அதிர்ச்சி! நடிகர் விக்ரம் கோகலே கோமா நிலையில் வெண்டிலேட்டரில் சிகிச்சை! ரசிகர்கள் பிரார்த்தனை!
பிரபல இந்தி திரைப்பட நடிகர் விக்ரம் கோகலே கோமா நிலையில், உயிருக்கு ஆபத்தான நிலையில், மருத்துவமனையில் வெண்டிலேட்டர் உதவியுடன் சிகிச்சப் பெற்று வருகிறார். அவர் நலமுடன் திரும்ப ரசிகர்கள் பிரார்த்தனை செய்யுமாறு, நடிகர் விக்ரம் கோகலே மகள் வேண்டுகோள் வைத்துள்ளார்.
முன்னதாக, தமிழ் இணையதளங்கள் நடிகர் விக்ரம் கோகலே காலமானதாக செய்தி வெளியிட்டிருந்த நிலையில், அவர் உயிருடன் இருப்பதாகவும், சிகிச்சைத் தொடர்ந்து வருவதாகவும் நடிகர் விக்ரம் கோகலே மகள் தெரிவித்தார்.
"Veteran Actor Vikram Gokhale is still critical and on life support, he has not passed away yet. Keep praying for him," confirms Vikram Gokhale's daughter
— ANI (@ANI) November 23, 2022
(File pic) pic.twitter.com/bs53dFIbxE
நடிகர் கமல்ஹாசனின் ஹே ராம் படத்தில் விக்ரம் கோகலே நடித்துள்ளதன் மூலமாக தமிழ் திரைப்பட ரசிகர்களுக்கு நன்கு அறிமுகமானவர். 77 வயதான விக்ரம் கோகலே கடந்த நவம்பர் 5 தேதி புனேவில் தனியார் மருத்துவமனை ஒன்றில் சிகிச்சைக்காக அனுமதிக்கப்பட்டார்.
மருத்துவ சிகிச்சையில் இருந்த போதிலும் விக்ரமின் இருதயம், சிறுநீரகம் போன்ற உறுப்புகளின் செயல்பாடுகள் பாதிக்கப்பட்டுள்ளன. இந்நிலையில், நேற்று மாலை திடீரென கோமா நிலைக்கு சென்ற விக்ரம் கோகலே, வென்டிலேட்டர் சிகிச்சையில் கண்காணிக்கப்பட்டு வருகிறார்.
நடிகர் விக்ரம் கோகலேவின் மனைவி விருஷாலி, அவர் நலமுடன் வீடு திரும்ப பிரார்த்தனைச் செய்யுமாறு ரசிகர்களிடம் வேண்டுகோள் விடுத்துள்ளார். இந்தியாவின் முதல் பெண் சினிமா நடிகையான துர்காபாய் காமத்தின் கொள்ளுப்பேரன் நடிகர் விக்ரம் கோகலே என்பது குறிப்பிடத்தக்கது. இவரது பாட்டி கமலாபாய் கோகலே இந்தியாவின் முதல் பெண் குழந்தை நட்சத்திரமாவார். மராத்தி, இந்தி,தெலுங்கு, தமிழ் ஆகிய மொழி திரைப்படங்களில் விக்ரம் கோகலே நடித்துள்ளார். 2013ம் ஆண்டின் சிறந்த நடிகருக்கான தேசிய விருதையும் வென்றுள்ளார்.
சபரிமலை போறீங்களா?! 60 நாட்களுக்கு உணவு, தங்குமிடம் எல்லாமே இங்கே ஃப்ரீ தான்!!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!!