சுகன்யா சம்ரித்தி யோஜனா!! SSY கணக்கு வைப்பு 15 வயது வரை மட்டுமே அனுமதிக்கப்படுமா ?!

சுகன்யா சம்ரித்தி யோஜனா (SSY) என்பது பெண் குழந்தைகளின் நிதி எதிர்காலத்தைப் பாதுகாப்பதற்கான மிகவும் பிரபலமான சிறு சேமிப்பு திட்டங்களில் ஒன்றாகும். SSY கணக்கை பெண் குழந்தையின் பெற்றோர் அல்லது சட்டப்பூர்வ பாதுகாவலர் ஒருவர் இயக்கலாம். இருப்பினும், தங்கள் மகளுக்கு 15 வயது வரை மட்டுமே SSY கணக்குகளில் முதலீடு செய்ய முடியும் என்ற தவறான கருத்து பல பெற்றோர்களிடையே உள்ளது. உண்மையான விதிகள் என்ன சொல்கின்றன என்பதை இங்கே பார்ப்போம்.

SSY கணக்கில் எவ்வளவு காலம் டெபாசிட் செய்யலாம்?

சுகன்யா சம்ரித்தி கணக்குத் திட்டம் 2019ன் படி, கணக்கு தொடங்கிய நாளிலிருந்து 15 ஆண்டுகள் வரை SSY கணக்கில் டெபாசிட் செய்யலாம். SSY கணக்கைத் திறக்கும் தேதியின்படி 10 வயது நிரம்பாத பெண் குழந்தையின் பெயரில் பாதுகாவலர்/பெற்றோர் ஒருவரால் திறக்க முடியும். உதாரணமாக, உங்கள் பெண் குழந்தைக்கு 9 வயதாக இருக்கும் போது, ​​நீங்கள் ஒரு SSY கணக்கைத் திறந்தால், 15 ஆண்டுகளுக்கு, அதாவது 24 வயதை அடையும் வரை அந்தக் கணக்கில் டெபாசிட் செய்யலாம்.“கணக்கைத்தொடங்கிய நாளிலிருந்து பதினைந்து ஆண்டுகள் முடிவடையும் வரை கணக்கில் டெபாசிட் செய்யலாம்” என SSY திட்டம் 2019 விதிகள் கூறுகின்றன. எவ்வாறாயினும், SSY வைப்புத்தொகையானது, கணக்கைத் தொடங்கிய நாளிலிருந்து 21 ஆண்டுகளுக்குப் பிறகு முதிர்ச்சியடையும்.அதாவது, பெண் குழந்தைக்கு 9 வயதாக இருக்கும்போது கணக்கு தொடங்கப்பட்டால், கணக்கு 21 ஆண்டுகளுக்குப் பிறகு முதிர்ச்சியடையும், அதாவது அவள் 30 வயதை அடையும் பொழுது என கணக்கில் கொள்ளலாம்.

SSY கணக்கை எவ்வளவு காலம் இயக்க முடியும்?

பெண் குழந்தைக்கு 18 வயதை அடையும் வரை மட்டுமே SSY கணக்கை பாதுகாவலர்/பெற்றோரால் இயக்க முடியும் என்பதை வைப்பாளர்கள் மனதில் கொள்ள வேண்டும்.“கணக்கு வைத்திருப்பவர் பதினெட்டு வயதை அடையும் வரை கணக்கு பாதுகாவலரால் இயக்கப்படும். பதினெட்டு வயதை அடைந்த பிறகு, தேவையான ஆவணங்களைச் சமர்ப்பித்து கணக்கு வைத்திருப்பவராலேயே கணக்கு இயக்கப்படும்” என்று விதிகள் கூறுகின்றன.21 ஆண்டுகள் முடிவதற்குள் SSY கணக்கை முன்கூட்டியே முடிக்க கணக்கு வைத்திருப்பவர் திருமணத்தின் காரணமாக அத்தகைய கோரிக்கையுடன் விண்ணப்பித்தால் அனுமதிக்கப்படும். உத்தேசிக்கப்பட்ட திருமணம் நடந்த நாளிலிருந்து ஒரு மாதத்திற்கு முன்பு அல்லது திருமணமான தேதியிலிருந்து மூன்று மாதங்களுக்குப் பிறகு அத்தகைய நடைமுறை அனுமதிக்கப்படாது. இத்திட்டத்தின் மற்றொரு சிறப்பு கணக்கு வைத்திருப்பவரின் கல்வி நோக்கத்திற்காக SSY கணக்கில் உள்ள தொகையில் 50% வரை திரும்பப் பெற அனுமதிக்கப்படுகிறது.

மார்கழி மாத விரத முறைகள், வழிபாடு, பலன்கள்!

அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!!

சபரிமலை போறீங்களா?! 60 நாட்களுக்கு உணவு, தங்குமிடம் எல்லாமே இங்கே ஃப்ரீ தான்!!