மகிழ்ச்சி... திருப்பதி பக்தர்கள் உங்கள் குறையை சொல்ல எளிமையான புதிய முறை அறிமுகம்!
திருமலை திருப்பதி தேவஸ்தானம் பக்தர்களுக்காக WhatsApp Feedback System என்ற புதிய முறையை அறிமுகம் செய்துள்ளது. இந்த புதிய முறையின் மூலம் சேவைகளின் தரம், வெளிப்படைத் தன்மை மேம்படும் என தேவஸ்தானம் நம்பிக்கை தெரிவித்துள்ளது.
பக்தர்கள் தங்கள் கருத்துக்களை தெரிவிக்க, திருமலை மற்றும் திருப்பதியில் உள்ள QR code-களை ஸ்கேன் செய்ய வேண்டும். ஸ்கேன் செய்தவுடன், WhatsApp உரையாடல் திறக்கும். அதில் சில எளிய வழிமுறைகளைப் பின்பற்றி கருத்துக்களைப் பதிவு செய்யலாம்.
கருத்துக்களைப் பதிவு செய்யும் முறை :
- பெயர்: பக்தர்கள் தங்கள் பெயரை உள்ளீடு செய்ய வேண்டும்.
- சேவை வகை: அன்ன பிரசாதம், சுகாதாரம், கல்யாண கட்டா, லட்டு பிரசாதம், உடைமைகள், அறைகள், வரிசை, ஒட்டுமொத்த அனுபவம் போன்ற சேவைகளில் ஒன்றை தேர்ந்தெடுக்க வேண்டும்.
- கருத்து தெரிவிக்கும் முறை: எழுத்து அல்லது வீடியோ மூலம் கருத்தை தெரிவிக்கலாம்.
- சேவையின் தரம்: நல்லது, சராசரி/மேம்படுத்தலாம் அல்லது சரியில்லை என மதிப்பிடலாம்.
- கூடுதல் கருத்துகள்: 600 எழுத்துகளுக்குள் கருத்துக்களை எழுதலாம் அல்லது வீடியோவை பதிவேற்றலாம்.
கருத்துக்களைச் சமர்ப்பித்த பிறகு, "உங்கள் கருத்து வெற்றிகரமாக பதிவு செய்யப்பட்டது. உங்கள் மதிப்புமிக்க கருத்துக்கு நன்றி" என்ற உறுதிப்படுத்தும் செய்தி வரும். TTD நிர்வாகம் அனைத்து கருத்துகளையும் கவனமாகப் பரிசீலித்து, குறைகளை நிவர்த்தி செய்து சேவைகளை மேம்படுத்தும். இந்த டிஜிட்டல் முயற்சி, பக்தர்களுக்கு ஆன்மீக அனுபவத்தை வழங்குவதுடன் வசதியான சூழலை உருவாக்கவும் உறுதி எடுத்திருப்பதாக TTD தலைமை மக்கள் தொடர்பு அதிகாரி தெரிவித்துள்ளார்.
TTD தொடர்ந்து பக்தர்களின் நலனுக்காக பல்வேறு நடவடிக்கைகளை எடுத்து வருகிறது. இந்த WhatsApp கருத்து தெரிவிக்கும் முறை, பக்தர்களுக்கும் TTD நிர்வாகத்திற்கும் இடையே ஒரு பாலமாக இருக்கும். இதன் மூலம் சேவைகளை மேம்படுத்த முடியும். பக்தர்கள் இந்த புதிய முறையை பயன்படுத்தி தங்கள் கருத்துக்களை தெரிவிக்கலாம்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!