10 மகள்களுக்கு பின் 11-வது பிரசவத்தில் ஆண் குழந்தை… ஹரியாணாவில் ஆச்சரிய குடும்பம்!

ஹரியாணா மாநிலத்தில் 10 மகள்களை பெற்ற தம்பதிக்கு, 11-வது பிரசவத்தில் ஆண் குழந்தை பிறந்துள்ளது. ஹிந்த் மாவட்டம் உசானா பகுதியைச் சேர்ந்த தினக்கூலி தொழிலாளி சஞ்சய் குமார் – அவரது மனைவி தம்பதி, கடந்த 19 ஆண்டுகளில் 11 குழந்தைகளை பெற்றுள்ளனர். 37 வயதான பெண் கடந்த 4-ம் தேதி மருத்துவமனையில் அனுமதிக்கப்பட்டு, ஆபத்தான பிரசவத்திற்குப் பிறகு ஆண் குழந்தையை பெற்றெடுத்தார்.

10 மகள்களின் பெயர்களையே தந்தை சரியாக நினைவுகூர முடியாமல் தவித்தது வேடிக்கையாக மாறியது. மேலும், 7-வது மற்றும் 10-வது மகள்களுக்கு ‘லட்சுமி’ என்ற ஒரே பெயரை வைத்திருப்பதும் பலரை ஆச்சரியப்பட வைத்தது. மூத்த மகள் 12-ம் வகுப்பு படித்து வருகிறார். மற்ற மகள்களும் பள்ளியில் படித்து வருகின்றனர்.

“மகள்களுக்கு ஒரு சகோதரன் வேண்டும் என்பதே ஆசை. ஆணாதிக்க எண்ணம் இல்லை. பெண்களும் எல்லாத் துறைகளிலும் சாதித்து வருகிறார்கள்” என்று தந்தை சஞ்சய் குமார் தெரிவித்தார். கடினமான பிரசவத்தில் 4 யூனிட் ரத்தம் செலுத்தப்பட்டதாக மருத்துவர்கள் கூறினர். தாயும் சேயும் நலமாக உள்ள நிலையில், சகோதரிகள் அனைவரும் சேர்ந்து குழந்தைக்கு ‘தில்குஷ்’ என பெயரிட்டுள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!