அதிமுக நிா்வாகியின் சகோதரா் கைது... நில ஆக்கிரமிப்பு புகாரில் பரபரப்பு!

 
சென்னை பாலவாக்கம் பகுதியில் வசித்து வருபவர் 73 வயது குமரேசன். இவா் மதுரவாயல் அஸ்தலட்சுமி நகா் பகுதியில் 1992ல் 4,800 சதுர அடி கொண்ட காலிமனையை வாங்கியுள்ளாா். பின்னா் 2022ல் அந்த இடத்தை சுத்தம் செய்வதற்காக குமரேசன் சென்றிருந்தார். அப்போது, அந்த இடத்தை போலி ஆவணங்கள் மூலம், நபா் ஒருவா் ஆக்கிரமித்து இருப்பது கண்டு பெரும் அதிர்ச்சி அடைந்துள்ளார்.  இது குறித்து சென்னை நில அபகரிப்புப் பிரிவில் குமரேசன் கொடுத்த புகாரின்பேரில் போலீஸாா் வழக்குப் பதிவு செய்து தீவிர விசாரணை மேற்கொண்டு வருகின்றனர்.  

இந்நிலையில், சென்னை உயா்நீதிமன்ற உத்தரவின்பேரில் ஆக்கிரமிப்பாளா்கள் அகற்றப்பட்டு, சுற்றுச்சுவா் அமைத்து இடத்தை குமரேசன் பூட்டிவிட்டு சென்றுள்ளாா்.இந்நிலையில் ஜனவரி 25ம் தேதி  மீண்டும் அந்த இடத்தை பாா்வையிடுவதற்காக உரிமையாளா் குமரேசனின் மகன் கண்ணன் சென்றுள்ளாா்.

அப்போது, ஏற்கனவே அந்த இடத்தை ஆக்கிரமித்திருந்த நபருக்கு ஆதரவாக, விருகம்பாக்கம் தொகுதி அதிமுக முன்னாள் சட்டப்பேரவை உறுப்பினா் ரவியின் சகோதரரும், ரியல் எஸ்டேட் அசோசியேஷன் தலைவருமான வி.என்.கண்ணன், நிலத்தின் உள்ளே நுழைய விடாமல் தடுத்து நிறுத்தியதுடன், கொலை மிரட்டலும் விடுத்திருப்பதாக தெரிகிறது.  இது குறித்த புகாரின்பேரில் வழக்குப் பதிவு செய்து  போலீஸாா், தலைமறைவாக இருந்த வி.என்.கண்ணனை தேடி வந்த நிலையில் நேற்று  கண்ணனை போலீஸாா்  கைது செய்துள்ளனா்.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

 உங்க நட்சத்திரத்துக்கு லாபம் தரும் துறை எது?