சுட்டெரிக்கும் வெயில்: பிரச்சாரத்தின் போது மயங்கி விழுந்த அதிமுக வேட்பாளர் இளமதி சுப்பிரமணியன்!

தமிழக சட்டமன்றத் தேர்தல் வரும் ஏப்ரல் 23-ஆம் தேதி (2026) நடைபெற உள்ள நிலையில், மாநிலம் முழுவதும் தேர்தல் களம் அனல் பறந்து வருகிறது. இதையொட்டி, அனைத்து அரசியல் கட்சிகளின் வேட்பாளர்களும் தங்களது தொகுதிகளில் வீதி வீதியாகச் சென்று தீவிர வாக்குச் சேகரிப்பில் ஈடுபட்டு வருகின்றனர். இந்நிலையில், தஞ்சாவூர் மாவட்டம் திருவிடைமருதூர் (தனி) தொகுதியில் அதிமுக சார்பில் போட்டியிடும் வேட்பாளர் இளமதி சுப்பிரமணியன், இன்று காலை அந்தப் பகுதியில் வாக்குச் சேகரித்துக் கொண்டிருந்தபோது எதிர்பாராத விதமாகத் திடீரென மயங்கி விழுந்தது அதிர்ச்சியை ஏற்படுத்தியுள்ளது.

திருவிடைமருதூர் தொகுதியில் கடந்த சில நாட்களாகவே கோடை வெயிலின் தாக்கம் மிகக் கடுமையாக இருந்து வருகிறது. இன்று காலை சுமார் 11 மணி அளவில் திறந்த வாகனத்தில் நின்றபடி இளமதி சுப்பிரமணியன் பிரசாரம் செய்து கொண்டிருந்தபோது, வெயிலின் உக்கிரம் தாங்காமல் அவர் நிலைதடுமாறி சரிந்து விழுந்தார். இதனால் அதிர்ச்சியடைந்த அதிமுக நிர்வாகிகள் மற்றும் தொண்டர்கள், உடனடியாக அவரை மீட்டு அருகில் உள்ள மருத்துவமனைக்குக் கொண்டு சென்றனர். அங்கு அவருக்குத் தீவிர சிகிச்சை அளிக்கப்பட்டு வரும் நிலையில், தற்போது அவர் நலமுடன் இருப்பதாக மருத்துவர்கள் தெரிவித்துள்ளனர்.

முன்னாள் எம்.எல்.ஏ-வான இளமதி சுப்பிரமணியன், ஏற்கனவே வலங்கைமான் தொகுதியைப் பிரதிநிதித்துவப்படுத்தியவர் என்பது குறிப்பிடத்தக்கது. இந்தத் தேர்தலில் திருவிடைமருதூர் தொகுதியில் அவர் தீவிரமாகக் களம் இறங்கியுள்ள நிலையில், கடும் வெயில் காரணமாக அவர் மயக்கமடைந்த சம்பவம் அப்பகுதியில் சிறிது நேரம் பெரும் பரபரப்பை ஏற்படுத்தியது. தமிழகம் முழுவதும் வெயில் தாக்கம் அதிகரித்து வருவதால், வேட்பாளர்கள் மதிய நேரங்களில் பிரசாரம் செய்வதைத் தவிர்த்து, போதுமான தண்ணீர் மற்றும் பாதுகாப்புடன் பிரசாரம் செய்ய வேண்டும் என அவர்களது குடும்பத்தினர் மற்றும் நலம் விரும்பிகள் கோரிக்கை விடுத்து வருகின்றனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!