ஏர் இந்தியா விமானத்தில் நடுவானில் தொழில்நுட்பக் கோளாறு - அவசரமாகத் தரையிறக்கம்!

இங்கிலாந்து தலைநகர் லண்டனில் இருந்து கர்நாடக மாநிலம் பெங்களூரு நோக்கிப் புறப்பட்ட ஏர் இந்தியா விமானத்தில் திடீர் தொழில்நுட்பக் கோளாறு ஏற்பட்டதை அடுத்து, அந்த விமானம் அவசரமாகத் தரையிறக்கப்பட்டது. விமானியின் சாதுர்யத்தால் பெரும் அசம்பாவிதம் தவிர்க்கப்பட்டது.

லண்டன் ஹீத்ரோ விமான நிலையத்திலிருந்து பெங்களூரு நோக்கி ஏர் இந்தியா நிறுவனத்திற்குச் சொந்தமான போயிங் 787-8 (Dreamliner) ரக விமானம் நேற்று புறப்பட்டது. விமானம் நடுவானில் பறந்து கொண்டிருந்த போது, அதன் எரிபொருள் கட்டுப்பாட்டு சுவிட்ச் (Fuel Control Switch) சரியாக வேலை செய்யவில்லை என்பதை விமானி கண்டறிந்தார். எரிபொருள் விநியோகத்தில் சிக்கல் ஏற்பட்டால் அது எஞ்சின் இயக்கத்தைப் பாதிக்கும் என்பதால், உடனடியாக விமானத்தை அவசரமாகத் தரையிறக்க முடிவு செய்யப்பட்டது.

விமானியின் துரித முடிவால், விமானம் பாதுகாப்பாக மீண்டும் லண்டன் விமான நிலையத்திலேயே தரையிறக்கப்பட்டது. விமானத்தில் இருந்த பயணிகள் மற்றும் ஊழியர்கள் அனைவரும் பாதுகாப்பாக உள்ளனர். இந்தச் சம்பவம் குறித்து இந்தியப் பொது சிவில் விமானப் போக்குவரத்து இயக்ககத்திற்கு (DGCA) உடனடியாகத் தகவல் தெரிவிக்கப்பட்டது.

இந்தத் தொழில்நுட்பக் கோளாறு குறித்து ஏர் இந்தியா நிறுவனம் வெளியிட்டுள்ள அறிக்கையில்: டிஜிசிஏ (DGCA) உத்தரவின் பேரில், ஏர் இந்தியா நிறுவனத்தின் வசம் உள்ள அனைத்து போயிங் ரக விமானங்களின் சுவிட்சுகளும் தீவிரமாகப் பரிசோதனை செய்யப்பட்டன. இந்தப் பரிசோதனையில் மற்ற எந்த விமானங்களிலும் பாதிப்புகள் கண்டறியப்படவில்லை எனவும், இது ஒரு தனிப்பட்ட தொழில்நுட்பக் கோளாறு எனவும் தெரிவிக்கப்பட்டுள்ளது.

இது தொடர்பாகப் போயிங் நிறுவனத்திடமும் விளக்கம் கேட்கப்பட்டுள்ளது. தொழில்நுட்பக் கோளாறு சரிசெய்யப்பட்ட பின்னரே அந்த விமானம் மீண்டும் இயக்கப்படும் எனத் தெரிகிறது. பாதிக்கப்பட்ட பயணிகளுக்கு மாற்று விமானம் மூலம் பெங்களூரு செல்ல ஏற்பாடுகள் செய்யப்பட்டன.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!