அமெரிக்கா - ஈரான் இடையே போர் நிறுத்தம்... பாகிஸ்தான் பிரதமர் அதிரடி அறிவிப்பு!

மத்திய கிழக்கு நாடுகளில் கடந்த சில நாட்களாக நிலவி வந்த போர் பதற்றம் ஒரு முடிவுக்கு வந்துள்ளது. ஈரான் மற்றும் அமெரிக்கா இடையே போர் நிறுத்தம் ஏற்பட்டுள்ளதை பாகிஸ்தான் பிரதமர் ஷெபாஸ் ஷெரீப் இன்று அதிகாரப்பூர்வமாக அறிவித்துள்ளார். இரு நாடுகளுக்கும் இடையே நிலவும் அனைத்துப் பிரச்சனைகளையும் சுமூகமாகத் தீர்க்கும் வகையில், வரும் ஏப்ரல் 10, வெள்ளிக்கிழமை அன்று இரு நாடுகளின் உயர்மட்டத் தூதுக்குழுக்களை இஸ்லாமாபாத்திற்கு வருமாறு அவர் முறைப்படி அழைப்பு விடுத்துள்ளார்.

இந்த அமைதி முயற்சியில் ஒரு முக்கியத் திருப்பமாக, ஈரானிடமிருந்து பெறப்பட்ட 10 அம்ச முன்மொழிவுத் திட்டம் குறித்து அமெரிக்க அதிபர் டொனால்ட் டிரம்ப் நம்பிக்கை தெரிவித்துள்ளார். "ஈரானின் இந்த 10 அம்சத் திட்டம் பேச்சுவார்த்தைக்கு உகந்த மற்றும் ஆக்கபூர்வமான அடித்தளமாக அமையும்" என்று டிரம்ப் குறிப்பிட்டுள்ளார். இதன் மூலம், கடந்த சில நாட்களாக கார்க் தீவு மற்றும் ஹார்முஸ் ஜலசந்தி பகுதிகளில் நிலவி வந்த போர் மேகங்கள் விலகி, அமைதி திரும்புவதற்கான வாய்ப்பு ஏற்பட்டுள்ளது.

பாகிஸ்தானின் இந்த மத்தியஸ்த முயற்சிக்கு சர்வதேச நாடுகள் வரவேற்பு தெரிவித்துள்ளன. நீண்ட இழுபறிக்குப் பிறகு இரு நாடுகளும் பேச்சுவார்த்தைக்குச் சம்மதித்திருப்பது உலகப் பொருளாதாரத்திற்கும், குறிப்பாகக் கச்சா எண்ணெய் சந்தைக்கும் பெரும் நிம்மதியை அளித்துள்ளது. ஏப்ரல் 10-ம் தேதி இஸ்லாமாபாத்தில் நடைபெறவுள்ள இந்தப் பேச்சுவார்த்தையில் எட்டப்படும் முடிவுகள், மத்திய கிழக்கு நாடுகளின் எதிர்கால அரசியலில் மிக முக்கியமான மைல்கல்லாக அமையும் என எதிர்பார்க்கப்படுகிறது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!