வரலாற்றில் முதன்முறை... ஈரானின் ஏவுகணை வீச்சில் சிக்கிய அமெரிக்க எஃப்-35 போர் விமானம் !

மத்திய கிழக்கு நாடுகளில் போர் மேகங்கள் கருசூழத் தொடங்கியுள்ள நிலையில், உலக வரலாற்றிலேயே இதுவரை நிகழாத ஒரு அதிரடிச் சம்பவம் வான்வெளியில் நடந்துள்ளது. அமெரிக்காவின் அதிநவீன மற்றும் மிகவும் சக்திவாய்ந்த போர் விமானமாகக் கருதப்படும் எஃப்-35 (F-35 Lightning II), முதல்முறையாக ஈரானின் ஏவுகணைத் தாக்குதலில் சிக்கிப் பெரும் பாதிப்புக்குள்ளாகியுள்ளது. மறைந்து இருந்து தாக்கும் 'ஸ்டெல்த்' (Stealth) தொழில்நுட்பம் கொண்ட இந்த விமானம், ஈரானின் ரேடார் மற்றும் வான் பாதுகாப்பு அமைப்புகளால் வீழ்த்தப்பட்டிருப்பது அமெரிக்க ராணுவ வட்டாரத்தில் பெரும் அதிர்வலைகளை ஏற்படுத்தியுள்ளது.

கடந்த பிப்ரவரி 28-ஆம் தேதி ஈரானின் உயரிய மதகுரு ஆயதுல்லா அலி காமேனி கொல்லப்பட்டதற்குப் பழிவாங்கத் துடிக்கும் ஈரான், தனது எல்லையை ஒட்டிய வான்வெளியில் அத்துமீறி நுழைந்த அமெரிக்கப் போர் விமானங்களை இலக்கு வைத்து ஏவுகணைகளை ஏவியது. இதில் எஃப்-35 விமானம் ஒன்று நிலைகுலைந்ததாகத் தகவல்கள் தெரிவிக்கின்றன. கோடி கோடியாகப் பணம் கொட்டி உருவாக்கப்பட்ட அமெரிக்காவின் இந்த 'சூப்பர் மேன்' விமானம், ஈரானின் தாக்குதலில் சிக்கியது இதுவே முதல்முறை என்பதால், அமெரிக்காவின் வான்வெளி ஆதிக்கம் குறித்துப் பல நாடுகள் கேள்வி எழுப்பத் தொடங்கியுள்ளன.

இந்தச் சம்பவத்தைத் தொடர்ந்து, பென்டகன் உயர் அதிகாரிகள் அவசர ஆலோசனையில் ஈடுபட்டுள்ளனர். ஈரானின் இந்தத் துணிச்சலான நடவடிக்கை, அமெரிக்கா மற்றும் அதன் நட்பு நாடுகளுக்கு விடுக்கப்பட்ட பகிரங்க எச்சரிக்கையாகவே பார்க்கப்படுகிறது. ஏற்கனவே லெபனான் மற்றும் இஸ்ரேல் இடையே போர் தீவிரமடைந்துள்ள நிலையில், தற்போது அமெரிக்கப் போர் விமானம் மீதான இந்தத் தாக்குதல், ஒரு முழு அளவிலான உலகப் போருக்கு வித்திடுமோ என்ற அச்சத்தை ஏற்படுத்தியுள்ளது. வான்வெளியில் நடந்த இந்த 'அதிர்ச்சி' சம்பவம், மத்திய கிழக்குப் போரின் போக்கையே மாற்றக்கூடும் என ராணுவ வல்லுநர்கள் எச்சரிக்கை விடுத்துள்ளனர். 

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!