"அன்புமணி ஒரு வழிப்போக்கன்; அவருக்குக் கட்சியில் இடமே இல்லை!" - டாக்டர் ராமதாஸ் ஆவேசம்!

"அன்புமணி பா.ம.க-வின் உறுப்பினரே கிடையாது; அவர் சொல்வதற்கெல்லாம் பதில் சொல்லத் தேவையில்லை," என பா.ம.க நிறுவனர் டாக்டர் ராமதாஸ் அதிரடியாகத் தெரிவித்துள்ளார். தந்தைக்கும் மகனுக்கும் இடையிலான அரசியல் மோதல் இப்போது உச்சகட்டத்தை எட்டியுள்ளது.

விழுப்புரத்தில் செய்தியாளர்களைச் சந்தித்த டாக்டர் ராமதாஸிடம், "பொதுக்குழுவை நடத்த ராமதாஸுக்கு அதிகாரம் இல்லை என அன்புமணி கூறியுள்ளாரே?" என்ற கேள்வி முன்வைக்கப்பட்டது. இதற்குப் பதிலளித்த ராமதாஸ், சற்றும் தயக்கமின்றி அன்புமணியை ஒரு அந்நியரைப் போலக் கையாண்டார். "அவர் ஏதோ ஒரு வழிப்போக்கன் பேசுவது போலச் சொல்லிவிட்டுச் செல்கிறார். அவர் பேசுவதைப் பற்றி எல்லாம் நாங்கள் கவலைப்படுவதில்லை" என ஒற்றை வரியில் அன்புமணியை ஓரங்கட்டினார்.

அன்புமணி கட்சியின் அடிப்படை உறுப்பினர் உள்ளிட்ட அனைத்துப் பொறுப்புகளில் இருந்தும் நீக்கப்பட்டுவிட்டார் என்பதை உறுதிப்படுத்திய ராமதாஸ், "அவர் கட்சியிலேயே இல்லை. அப்படிச் சொல்வதற்கு அவருக்கு எந்த உரிமையும் கிடையாது" எனக் கூறினார். "அன்புமணியின் பொய்யும் புரட்டும் இனி எடுபடாது. 100-க்கு 99 சதவீத பா.ம.க-வினர் இப்போதும் என் பக்கமே நிற்கின்றனர்" எனத் தனது பலத்தை நிரூபித்தார்.

கடந்த சில நாட்களாக பா.ம.க-வில் தலைமைப் பொறுப்பு யாருக்கு என்பதில் தந்தை ராமதாஸுக்கும், மகன் அன்புமணிக்கும் இடையே 'கோல்டு வார்' (Cold War) நடந்து வந்தது. தற்போது அது பகிரங்கமான மோதலாக வெடித்துள்ளது. "என்னங்கடா இது.. 'மாம்பழக் கட்சி'க்குள்ள இவ்வளவு பெரிய மல்லுக்கட்டா? 'அன்பு'மணிக்கு அப்பாகிட்ட இருந்து 'அன்பு' கிடைக்காது போலயே. இவங்க சண்டையில கடைசியில மாம்பழம் யாருக்குன்னு தான் தெரியல" என்று புலம்பியபடியே செய்தியாளர்கள் கலைந்து சென்றனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!