தொடர்ந்து 5 நாட்கள் சட்டசபைக்கு விடுமுறை!

தமிழக சட்டசபையில் மார்ச் 14ம் தேதி 2025-26-ம் ஆண்டுக்கான பொதுபட்ஜெட்டும்,மார்ச் 15ம் தேதி வேளாண் பட்ஜெட்டும் தாக்கல் செய்யப்பட்டது. மார்ச் 17 முதல் 21 வரை இரு பட்ஜெட் மீதான விவாதமும், அமைச்சர்களின் பதில் உரையும் இடம்பெற்றது. அதனைத் தொடர்ந்து மார்ச் 24 முதல் துறை வாரியாக மானியக் கோரிக்கை விவாதம் நடந்து வருகிறது.
அந்த வகையில், இன்று குறு, சிறு மற்றும் நடுத்தர தொழில் நிறுவனங்கள் துறை, தொழிலாளர் நலன் மற்றும் திறன் மேம்பாட்டுத் துறை மீதான மானியக் கோரிக்கை விவாதம் நடைபெற்றது. இந்நிலையில், அடுத்த 5 நாட்கள் சட்டசபைக்கு விடுமுறை விடப்படுகிறது. அதன்படி நாளை மகாவீர் ஜெயந்தி அரசு விடுமுறை நாள் என்பதால் சட்டசபை கூட்டம் இல்லை. அடுத்த நாள் ஏப்ரல் 11ம் சட்டசபைக்கு மட்டும் விடுமுறை விடப்பட்டுள்ளது.
ஏப்ரல் 12 மற்றும் 13ம் தேதிகள் சனி மற்றும் ஞாயிற்றுக்கிழமை என்பதால் சட்டசபை கூட்டம் கிடையாது. 14ம் தேதி தமிழ் புத்தாண்டு மற்றும் அம்பேத்கர் பிறந்த தினம் என்பதால் அரசு விடுமுறை நாளாக அனுசரிக்கப்படுகிறது. அன்றும் சட்டசபை கூட்டம் இல்லை. இப்படி, 5 நாட்கள் சட்டசபைக்கு தொடர்ந்து விடுமுறை வருகிறது. அடுத்து ஏப்ரல் 15ம் தேதி சட்டசபை மீண்டும் கூட இருக்கிறது. அன்றைய தினம் செய்தி மற்றும் விளம்பரம், எழுதுபொருள் மற்றும் அச்சு, தமிழ் வளர்ச்சி, மனிதவள மேலாண்மைத் துறை மீதான மானியக் கோரிக்கை விவாதம் நடைபெற உள்ளது. இம்மாதம் ஏப்ரல் 29ம் தேதி வரை சட்டசபை கூட்டம் நடக்க இருப்பது குறிப்பிடத்தக்கது.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!