வங்கி வாடிக்கையாளர்கள் அதிர்ச்சி... ஃபிக்சட் டெபாசிட் திட்டங்களுக்கான வட்டி விகிதம் குறைப்பு!

இந்தியாவின் பொதுத்துறை வங்கிகளில் ஒன்று கனரா வங்கி, ரூ.3 கோடிக்குக் குறைவான நிலையான வைப்பு தொகைகளுக்கான வட்டி விகிதங்களை 20 அடிப்படை புள்ளிகள் வரை குறைத்துள்ளது. வங்கியின் அதிகாரப்பூர்வ அறிவிப்பின்படி, புதிய விகிதங்கள் ஏப்ரல் 10, 2025 முதல் அமலுக்கு வந்துள்ளதாக கூறப்பட்டுள்ளது. 

இதன்படி, பொதுமக்களுக்கு 4% முதல் 7.25% வரை, மற்றும் மூத்த குடிமக்களுக்கு 4% முதல் 7.75% வரை FD வட்டி வழங்கப்படுகிறது. முன்னதாக இது பொதுமக்களுக்கு 7.40% மற்றும் மூத்த குடிமக்களுக்கு 7.90% வரை இருந்தது என்பதும் குறிப்பிடத்தக்கது.

புதிய விகிதங்களைப் பார்க்கும் போது, 7 முதல் 45 நாட்களுக்குள் முதிரும் FDக்கு 4% வட்டி வழங்கப்படுகிறது. 46 முதல் 90 நாட்களுக்கு 5.25%, 91 முதல் 179 நாட்களுக்கு 5.5% என வழங்கப்படுகிறது. 180 முதல் 269 நாட்கள் வரை உள்ள வைப்புகளுக்கு வட்டி 6.25%-இல் இருந்து 6.15%-ஆக குறைக்கப்பட்டுள்ளது.

ஒரு வருடத்திற்கு குறைவான காலத்திற்கு 6.25% வட்டியும், ஒரு வருட FD-க்கு 6.85% வட்டியும் வழங்கப்படுகிறது. 444 நாட்களுக்கு FD வைப்பினருக்கு அதிகபட்சமாக 7.25% வட்டி தரப்படுகிறது. 2–3 ஆண்டுகளுக்குள் முதிரும் வைப்புகளுக்கு வட்டி 7.30%-இல் இருந்து 7.15%-ஆக குறைக்கப்பட்டுள்ளது.

3–5 ஆண்டுகளுக்குள் முதிரும் FD வைப்புகளுக்கு வட்டி 7.40%-இல் இருந்து 7.20%-ஆக குறைந்துள்ளது. மூத்த குடிமக்களுக்கு, 7 முதல் 10 ஆண்டுகள் வரையிலான FD-களுக்கு 4% முதல் 7.75% வரை வட்டி வழங்கப்படுகிறது.

ரூ.3 கோடிக்கும் குறைவான மற்றும் 180 நாட்கள் மற்றும் அதற்கு மேற்பட்ட காலத்திற்கு FD எடுத்தால், 0.50% கூடுதல் வட்டி வழங்கப்படும். மேலும், மார்ச் 12, 2019க்கு பிறகு எடுத்த FD-யை முன்கூட்டியே திரும்பப் பெறும் நிலையில், 1% அபராதம் விதிக்கப்படும் என வங்கி தெரிவித்துள்ளது. இந்த மாற்றங்கள், பாதுகாப்பான முதலீட்டை நாடும் வாடிக்கையாளர்களிடையே புதிய சிந்தனைகளை உருவாக்கியுள்ளது.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க நட்சத்திரத்துக்கு லாபம் தரும் துறை எது?