இந்திய கிரிக்கெட் வீராங்கனைகளுக்கு 2.5 மடங்கு ஊதிய உயர்வு - பி.சி.சி.ஐ. அதிரடி!

 By Seetha Dec 23, 2025, 08:56 IST
இந்தியா மகளிர் கிரிக்கெட்

இந்தியாவில் மகளிர் கிரிக்கெட்டை அடுத்த நிலைக்குக் கொண்டு செல்லும் நோக்கில், இந்திய கிரிக்கெட் கட்டுப்பாட்டு வாரியம் (பி.சி.சி.ஐ.) மிக முக்கியமான வரலாற்றுச் சிறப்புமிக்க முடிவை எடுத்துள்ளது. இனி வரும் காலங்களில் ஆண் கிரிக்கெட் வீரர்களுக்கு இணையாக மகளிர் கிரிக்கெட் வீராங்கனைகளும் அங்கீகரிக்கப்பட வேண்டும் என்ற நோக்கில், உள்நாட்டுப் போட்டிகளில் விளையாடும் வீராங்கனைகளுக்கான ஊதியத்தை 2.5 மடங்கு உயர்த்தி பி.சி.சி.ஐ. உயர்மட்டக் குழு ஒப்புதல் அளித்துள்ளது.

ஜெமிமா இந்திய மகளிர் கிரிக்கெட்

அதிரடியாக உயர்ந்த ஒருநாள் போட்டி ஊதியம்:

இதுவரை உள்நாட்டு ஒருநாள் கிரிக்கெட் மற்றும் பல நாட்கள் நடைபெறும் போட்டிகளில் விளையாடும் சீனியர் வீராங்கனைகளுக்கு ஒரு நாளைக்கு 20,000 ரூபாய் ஊதியமாக வழங்கப்பட்டு வந்தது. இந்தத் தொகை தற்போது 50,000 ரூபாயாக அதிரடியாக உயர்த்தப்பட்டுள்ளது. அதேபோல், அணியில் இடம்பிடித்தும் பிளேயிங் லெவனில் (Playing XI) களம் காண வாய்ப்பு கிடைக்காமல் வெளியே இருக்கும் மாற்று வீராங்கனைகளுக்கான ஊதியம் 10,000 ரூபாயிலிருந்து 25,000 ரூபாயாக அதிகரிக்கப்பட்டுள்ளது. இதன் மூலம் வீராங்கனைகளின் பொருளாதார நிலை மற்றும் விளையாட்டின் மீதான ஆர்வம் பலமடங்கு அதிகரிக்கும் என எதிர்பார்க்கப்படுகிறது.

டி20 மற்றும் ஜூனியர் வீராங்கனைகளுக்கான சலுகை:

குறுகிய காலப் போட்டிகளான டி20 ஆட்டங்களில் விளையாடும் சீனியர் வீராங்கனைகளுக்கு இனி ஒரு போட்டிக்கு 25,000 ரூபாயும், களமிறங்காத மாற்று வீராங்கனைகளுக்கு 12,500 ரூபாயும் வழங்கப்படும். சீனியர் வீராங்கனைகள் மட்டுமின்றி, வளர்ந்து வரும் ஜூனியர் வீராங்கனைகளுக்கும் ஊதிய உயர்வு அறிவிக்கப்பட்டுள்ளது. இதன்படி ஜூனியர் வீராங்கனைகளுக்கு ஒருநாள் போட்டிக்கு 25,000 ரூபாயும், டி20 போட்டிக்கு 12,500 ரூபாயும் கட்டணமாக நிர்ணயிக்கப்பட்டுள்ளது.

மகளிர் கிரிக்கெட்

சமமான ஊதியம் - சமமான அங்கீகாரம்:

சர்வதேச கிரிக்கெட் போட்டிகளில் ஏற்கனவே ஆண் மற்றும் பெண் இருபாலருக்கும் சமமான ஊதியம் வழங்கப்பட்டு வரும் நிலையில், தற்போது உள்நாட்டு கிரிக்கெட்டிலும் (Domestic Cricket) இந்த மாற்றத்தை பி.சி.சி.ஐ. கொண்டு வந்துள்ளது. மகளிர் பிரீமியர் லீக் (WPL) தொடரின் வெற்றிக்குப் பிறகு, கிராமப்புற மற்றும் நகரப்புறப் பெண்கள் அதிக அளவில் கிரிக்கெட் விளையாட முன்வருவதால், அவர்களுக்குப் போதிய வாழ்வாதாரத்தை உறுதி செய்ய இந்த நடவடிக்கை எடுக்கப்பட்டுள்ளது. பி.சி.சி.ஐ.-ன் இந்த அதிரடி மாற்றத்திற்கு விளையாட்டு ஆர்வலர்கள் மற்றும் முன்னாள் வீராங்கனைகள் மத்தியில் பலத்த வரவேற்பு கிடைத்துள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!