பெங்களூரு பாஜக எம்பி தேஜஸ்வி சூர்யா, சென்னை பெண்ணை கரம் பிடித்தார்... அண்ணாமலை நேரில் வாழ்த்து!
கர்நாடக மாநிலம் பெங்களூரு தெற்குத் தொகுதி பாஜக எம்பி தேஜஸ்வி சூர்யா. இவருக்கு சென்னையைச் சேர்ந்த பாடகி பரதநாட்டிய கலைஞர் சிவஸ்ரீ ஸ்கந்த பிரசாத் என்பவருக்கு கடந்த சில மாதங்களுக்கு முன்பு நிச்சயதார்த்தம் நடைபெற்றது.
बेंगलुरु दक्षिण से सांसद श्री @Tejasvi_Surya जी एवं संगीत गायिका, भरतनाट्यम की प्रसिद्ध कलाकार शिवश्री स्कंदप्रसाद जी के शुभ विवाह समारोह में सम्मिलित होकर नवदंपत्ति को उनके मंगलमय दांपत्य जीवन के लिए शुभकामनाएँ व आशीर्वाद प्रदान किया। pic.twitter.com/S7n531yxmn
— Arjun Ram Meghwal (@arjunrammeghwal) March 6, 2025
இந்நிலையில், இவர்களுடைய திருமணம், பெங்களூருவில் இன்று எளிய முறையில் நடைபெற்றது. இந்த திருமண விழாவில், பாஜக தலைவர்கள் அண்ணாமலை, பிரதாப் சிம்ஹா, அமித் மாளவியா, பி.ஒய்.விஜயேந்திரா, மத்திய அமைச்சர் வி.சோமன்னா ஆகியோர் கலந்துகொண்டனர். இந்தப் படங்கள் சமூகவலைதளங்களில் வைரலாகி வருகிறது.
சென்னை பல்கலைக்கழகத்தில் பரதநாட்டியத்தில் எம்.ஏ. பட்டம் பெற்றுள்ள சிவஸ்ரீ ஸ்கந்த பிரசாத் சென்னை சமஸ்கிருத கல்லுாரியில் சமஸ்கிருதத்தில் எம்.ஏ. பட்டமும் சாஸ்த்ரா பல்கலைக் கழகத்தில் பயோ இன்ஜினியரிங் படிப்பில் பி.டெக். பட்டமும் முடித்துள்ளார். மேலும், சிவஸ்ரீ சொந்தமாக ஒரு யூடியூப் சேனலை நடத்தி வருகிறார்.
இவரது சேனலை, 2 லட்சத்துக்கும் அதிகமானோர் பின் தொடர்ந்து வருகின்றனர். அவரது இன்ஸ்டா பக்கத்தை 1.13 லட்சத்திற்கும் அதிகமானவர்கள் பின்தொடர்கின்றனர். ’பொன்னியின் செல்வன் 2’ம் பாகத்தில் ஒரு பாடல் பாடியதன் மூலம் மிகவும் பிரபல பின்னணிப் பாடகியாக அறியப்படுகிறார். அதுபோல் இரண்டு முறை பாஜக எம்பியாக இருக்கும் தேஜஸ்வி சூர்யா, பாரதிய ஜனதா யுவ மோர்ச்சாவின் தலைவராகவும் இருந்து வருகிறார் என்பது குறிப்பிடத்தக்கது.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!