உஷார்... சென்னையில் நாளை முதல் புதிய நேர அட்டவணை... மின்சார ரயில், ஏ.சி. மின்சார ரயில் சேவையில் மாற்றம்!

சென்னை கடற்கரை - செங்கல்பட்டு இடையே இயக்கப்படும் குளிர்சாதன (AC) மின்சார ரயில்களின் சேவையை மேம்படுத்தும் வகையில், தெற்கு ரயில்வே நேர மாற்றங்களையும் கூடுதல் நிறுத்தங்களையும் அறிவித்துள்ளது.

ஏ.சி. மின்சார ரயில் சேவை மாற்றங்கள்: கடற்கரை ➡️ தாம்பரம்: மாலை 3.47 மணிக்குக் கடற்கரையிலிருந்து புறப்படும் ஏ.சி. ரயில், மாலை 4.42-க்குத் தாம்பரம் சென்றடையும். (இது நாளை முதல் கடற்கரை - தாம்பரம் இடையே மட்டுமே இயக்கப்படும்). தாம்பரம் ➡️ கடற்கரை: மாலை 5.00 மணிக்குத் தாம்பரத்தில் இருந்து புறப்பட்டு, மாலை 5.55-க்குக் கடற்கரை வந்தடையும். மதியம் 2.28 மணிக்குத் தாம்பரத்தில் இருந்து புறப்படும் ஏ.சி. ரயில், மாலை 3.23 மணிக்குக் கடற்கரை சென்றடையும்.

பயணிகளின் நீண்ட நாள் கோரிக்கையை ஏற்று, நாளை முதல் அனைத்து ஏ.சி. மின்சார ரயில்களும் (தாம்பரம்-செங்கல்பட்டு, செங்கல்பட்டு-கடற்கரை வழித்தடங்கள்) ஊரப்பாக்கம் ரயில் நிலையத்தில் நின்று செல்லும் என அறிவிக்கப்பட்டுள்ளது.

ஏ.சி. ரயில்களின் நேர மாற்றத்தால், சாதாரண மின்சார ரயில்களின் நேரத்திலும் சில மாற்றங்கள் செய்யப்பட்டுள்ளன: திருமால்பூர் - கடற்கரை: தாம்பரத்திற்கு மதியம் 1.10 மணிக்கும் (முன்பு 1.15), கடற்கரைக்கு 2.05 மணிக்கும் (முன்பு 2.10) சென்றடையும். தாம்பரம் - கடற்கரை (மாலை நேர ரயில்கள்): மாலை 4.35, 4.52 மற்றும் 5.00 மணிக்குப் புறப்படும் ரயில்கள் முறையே 5 முதல் 15 நிமிடங்கள் முன்னதாகப் புறப்படும் வகையில் மாற்றப்பட்டுள்ளன. கூடுவாஞ்சேரி - கடற்கரை: இரவு 10.40-க்குப் புறப்பட வேண்டிய ரயில், இனி இரவு 10.10-க்கே புறப்படும்.

செங்கல்பட்டு - கடற்கரை: இரவு 10.20-க்குப் புறப்படும் ரயில், நள்ளிரவு 12.15-க்குக் கடற்கரை சென்றடையும். நாளை முதல் வேலைக்குச் செல்பவர்கள் மற்றும் கல்லூரி மாணவர்கள் இந்த நேர மாற்றத்தைக் கவனித்துத் தங்களது பயணத்தைத் திட்டமிடுமாறு அறிவுறுத்தப்படுகிறார்கள்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!