பாஜக அதிமுகவை மிரட்டி உருட்டி பணிய வைத்துள்ளது... திருமாவளவன் ஷொட்டு!

தமிழகத்திற்கு 2 நாள் பயணமாக மத்திய அமைச்சர் அமித்ஷா, வருகை தந்துள்ளார்.  நேற்று கட்சி நிர்வாகிகளுடன் நடத்திய பலகட்ட ஆலோசனையை அடுத்து, பத்திரிகையாளர்களை சந்தித்துள்ளார்.  அப்போது பேசிய அமித்ஷா, 2026 சட்டமன்ற தேர்தலில் தமிழ்நாட்டில் எடப்பாடி பழனிச்சாமி தலைமையில் அதிமுக – பாஜக கூட்டணியாக தேர்தலை சந்திக்கும் என அதே மேடையில் அதிமுக பொதுச்செயலாளர் இபிஎஸ் முன்னிலையில் இதனை அறிவித்துள்ளார்.  

இதனையடுத்து அதிமுக – பாஜக கூட்டணி குறித்து அரசியல் தலைவர்கள் பலரும் விமர்சனம் செய்து வருகின்றனர்.  இதனை திமுக கடுமையாக விமர்சனம் செய்திருந்த நிலையில், அடுத்ததாக தவெகவும் விமர்சனம் செய்திருந்தது. அதனை தொடர்ந்து தற்போது விசிக தலைவர் திருமாவளவன்  பாஜக + அதிமுக கூட்டணி குறித்து  ” பாஜக அதிமுக-வை மிரட்டி உருட்டி பணிய வைத்து கூட்டணி வைத்துள்ளது. அமித்ஷா அறிவித்ததை நம்மால் பார்க்க முடிகிறது. யார் தலைமையில் கூட்டணி என்ற சந்தேகம் எழுந்து உள்ளது. கூட்டணியை அறிவித்தது பாஜக தான். ஆனால் இதில் அதிமுக ரோல் என்ன?

கூட்டணியை அதிமுக தொண்டர்கள் ஏற்க வழியில்லை. பாஜகவுடனான கூட்டணியை அதிமுக தொண்டர்கள் மனப்பூர்வமாக ஏற்கவில்லை எனவும் நான் நம்புகிறேன். முன்னாள் அமைச்சர் ஜெயக்குமார் கூட பாஜகவுடன் கூட்டணி வைக்கமாட்டோம் என்று சொல்லிருந்தார். ஆனால், இப்போது பாஜக அதிமுகவுடன் தான் கூட்டணி வைத்துள்ளது. முன்னாள் அமைச்சர் செங்கோட்டையன் அமித்ஷாவை தனியாக சந்திக்கும் நிலைகள் உண்டாக்கியது. பாஜக உள்ள கூட்டணியில் சிறுபான்மையினர் வாக்குகள் என்பது இந்திய அளவில் கிடைக்காது.” எனவும் திருமாவளவன் தெரிவித்துள்ளார்.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க நட்சத்திரத்துக்கு லாபம் தரும் துறை எது?