பிரதமர் அலுவலகத்துக்கு வெடிகுண்டு மிரட்டல்.. தமிழக இளைஞர் கைது!

டெல்லியில் உள்ள இந்திய பிரதமர் நரேந்திர மோடியின் அலுவலகத்துக்கு நேற்று முன்தினம் இரவு வெடிகுண்டு மிரட்டல் வந்தது. இதையடுத்து மத்திய புலனாய்வு போலீசார் இது குறித்து விசாரணை நடத்தியபோது, நாகையில் இருந்து பேசிய மர்ம நபர், பிரதமர் அலுவலகத்திற்கு வெடிகுண்டு மிரட்டல் விடுத்துள்ளது தெரியவந்தது.

இதனைத் தொடர்ந்து, நாகையில் செயல்படும் மத்திய உளவுப் பிரிவு மூலம், உள்ளூர் போலீசாருக்கு தகவல் தெரிவிக்கப்பட்டது.

இது குறித்து நாகை எஸ்.பி. அருண் கபிலன் உத்தரவின் பேரில், ஏடிஎஸ்பி ராமச் சந்திர மூர்த்தி தலைமையிலான போலீசார் விசாரணை நடத்தி, நாகை வெளிப்பாளையம் ராமநாயகன் குள தெருவைச் சேர்ந்த செ.கணேஷ் குமார் (33) என்பவர் தான் தனது செல்போனில் பேசி, பிரதமர் அலுவலகத்துக்கு வெடிகுண்டு மிரட்டல் விடுத்துள்ளார் என்பது தெரியவந்தது.

இதையடுத்து, கணேஷ் குமாரை கைது செய்து, நாகை வெளிப்பாளையம் காவல் நிலையத்துக்கு அழைத்துச் சென்று போலீசார் நடத்திய விசாரணையில், கணேஷ் குமார் மதுப் பழக்கத்துக்கு அடிமையாகி, மறுவாழ்வு மையத்தில் சிகிச்சை பெற்று வந்ததும், அவரது மனைவி  2 ஆண்டுகளுக்கு முன்பு, குழந்தையையும் அழைத்துக் கொண்டு, இவரை விட்டுப் பிரிந்து சென்றுவிட்டார் என்பதும், இதனால் தனியாக வசித்து வந்த அவர், மனநலம் பாதிக்கப்பட்டு அதற்காக சிகிச்சை எடுத்து வந்ததும் தெரியவந்தது.

எனினும் எதற்காக அவர் பிரதமர் அலுவலகத்துக்கு வெடிகுண்டு மிரட்டல் விடுத்தார் என்பது தொடர்பாக போலீசார் தொடர்ந்து விசாரணை மேற்கொண்டு வருகின்றனர். 

இந்தியா- பாகிஸ்தான் இடையே போர் பதற்றம் நிலவும் சூழ்நிலையில், நாகையிலிருந்து பிரதமர் அலுவலகத்துக்கு வெடி குண்டு மிரட்டல் விடுக்கப்பட்ட சம்பவம் பரபரப்பை ஏற்படுத்தியுள்ளது.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க நட்சத்திரத்துக்கு லாபம் தரும் துறை எது