சென்னையில் பஸ் ஊழியர்கள் மறியல் போராட்டம்... 100க்கும் மேற்பட்டோர் கைது!

நேற்று முதல் தமிழகம் முழுவதும் போக்குவரத்து தொழிற்சங்கங்கள் போராட்டத்தை அறிவித்திருக்கும் நிலையில், இன்று காலையில் சென்னை பல்லவன் இல்லம் முன்பாக ஊழியர்கள் திடீர் சாலை மறியலில் ஈடுபட்டனர். போராட்டத்தில் ஈடுபட்ட போக்குகுவரத்து ஊழியர்கள் நூற்றுக்கும் மேற்பட்டோரை போலீசார் கைது செய்தனர். 

போராட்டத்தில் கலந்து கொள்ளாத தொமுச உள்ளிட்ட சில தொழிற்சங்கங்களின் ஊழியர்களைக் கொண்டு தமிழ்நாடு முழுவதும் பேருந்துகள் இயக்கப்பட்டு வருகின்றன. சென்னையில் அனைத்து பேருந்துகளும் இயக்கப்படும் நிலையில் தமிழ்நாட்டின் மற்ற மாவட்டங்களில் குறிப்பிட்ட அளவில் மட்டுமே பேருந்துகள் இயக்கப்படுகின்றன.

இதனால் மக்கள் வெகுவாக பாதிக்கப்பட்டுள்ளனர். இந்நிலையில் சென்னை பல்லவன் இல்லத்தை முற்றுகையிட போவதாக சிஐடியு மாநிலத் தலைவர் சௌந்தரராஜன் நேற்று அறிவித்து இருந்தார்.

இதனால் சென்னை பல்லவன் இல்லத்தை சுற்றி காவல் துறை பாதுகாப்பு பலப்படுத்தப்பட்டு இருந்தது. காவல்துறை இணை ஆணையர் தர்மராஜன் மேற்பார்வையில் துணை ஆணையர் தேஷ்முக் சேகர் சஞ்சய் தலைமையில் பல்லவன் இல்லத்தில் 300-க்கு மேற்பட்ட போலீஸார் பாதுகாப்பு பணியில் ஈடுபட்டனர்.

இந்த நிலையில் பல்லவன் சாலையில் உள்ள மத்திய பணிமனை முன்பு போக்குவரத்து ஊழியர்கள் தங்களது கோரிக்கைகளை முழக்கங்களாக எழுப்பியபடி முற்றுகைப் போராட்டத்தில் ஈடுபட்டனர்.

பின்னர், தொழிற்சங்கங்களைச் சேர்ந்த 400க்கும் மேற்பட்டோர் 2 குழுவாக பிரிந்து பல்லவன் இல்லம் நோக்கி கூட்டாக பேரணியாக சென்றனர். அப்போது திடீரென தடுப்புகளை மீறி சாலை மறியலில் ஈடுபட்டதால் பரபரப்பு ஏற்பட்டது.

இதையடுத்து பல்லவன் பணிமனை முன் போராட்டத்தில் ஈடுபட்டதாக சிஐடியு மாநிலத் தலைவர் சௌந்தரராஜன் உள்ளிட்ட நூற்றுக்கும் மேற்பட்ட போக்குவரத்து ஊழியர்கள் கைது செய்யப்பட்டனர். பின்னர் அவர்கள் அனைவரும் வாலாஜா சாலையில் உள்ள அண்ணா அரங்கத்துக்கு அழைத்துச் செல்லப்பட்டனர்.

மார்கழிக் கோலத்தில் மட்டும் பூசணிப்பூ வைப்பது ஏன்?!

மார்கழி மாதத்தில் இந்த தவற மட்டும் செய்யாதீங்க!

மார்கழி மாதத்துக்கு இத்தனை சிறப்புகளா? விரதமுறை, பலன்கள்!!

மார்கழி மாதம் ஏன் திருமணம் செய்யக்கூடாது... பிரமிக்க வைக்கும் விஞ்ஞான உண்மைகள்!