+2 துணைத்தேர்வுக்கு மே 14ம் தேதி முதல் விண்ணப்பிக்கலாம்... தேர்வுத்துறை அறிவிப்பு!
12ம் வகுப்பு தேர்வில் தோல்வியடைந்த மாணவ மாணவியர், பொதுத்தேர்வை பல்வேறு காரணங்களால் எழுத முடியாதவர்கள், பிளஸ் 1 வகுப்பில் நிலுவைப் பாடங்கள் வைத்திருப்பவர்கள் என தனித் தேர்வர்கள் வரும் மே 14ம் தேதி முதல் துணைத் தேர்வு எழுத விண்ணப்பிக்கலாம் என்று அரசு தேர்வுகள் இயக்ககம் அறிவித்துள்ளது.
இந்த துணைத் தேர்வில் பங்கேற்க மேற்கண்ட மாணவ மாணவியர் மே 14ம் தேதி முதல் 29ம் தேதி வரை அவர்கள் படித்த பள்ளிகளுக்கு நேரில் சென்று காலை 11 மணி முதல் மாலை 5 மணிவரையில் விண்ணப்பிக்க வேண்டும்.
பள்ளி மாணவர்கள் தவிர தனித் தேர்வர்கள் 14ம் தேதி மதல் கல்வி மாவட்ட வாரியாக அமைக்கப்பட்டள்ள சேவை மையங்கள் மூலம் துணைத் தேர்வுக்கு விண்ணப்பிக்க வேண்டும். இந்நிலையில், 14ம் தேதி முதல் 29ம் தேதிகளில் துணைத் தேர்வுக்கு விண்ணப்பிக்கத் தவறும் மாணவ மாணவியர சிறப்பு அனுமதி திட்டத்தின் கீழ் உரிய கட்டணத்தொகையுடன் மே 30 மற்றும் 31ம் தேதிகளில் ஆன்லைன் மூலம் விண்ணப்பிக்க வேண்டும்.
சிறப்பு அனுமதிக் கட்டணம் ரூ.1000 செலுத்த வேண்டும். இந்த கட்டணம் 2024-2025ம் கல்வி ஆண்டில் அரசு மற்றும் முழுமையாக அரசு உதவி பெறும் பள்ளிகளில் படித்து தேர்ச்சி பெறாத, வருகைபுரியாத மாணவர்களு க்கு மட்டும் இந்த கட்டணத்தில் இருந்து விலக்கு அளிக்கப்படுகிறது. ஆன்லைன் மூலம் விண்ணப்பிக்க விரும்புவோர் சேவை மையங்களின் விவரங்கள், ஆன்லைன் விண்ணப்பங்கள் பதிவு செய்தல் தொடர்பான அறிவுரைகள் அனைத்தும் www.dge.tn.gov.in என்ற இணைய தளத்தில் அறிந்து கொள்ளலாம்.
மேலும் அனைத்து மாவட்ட முதன்மைக் கல்வி அலுவலகங்கள், அனைத்து மாவட்டக் கல்வி அலுவலர் அலுவலகங்கள் மற்றும் அனைத்து அரசுத் தேர்வுகள் உதவி இயக்குநர் அலுவலகங்கள் மூலமாகவும் தெரிந்து கொள்ளலாம். பிளஸ்1, பிளஸ் 2 வகுப்புகளுக்கான துணைத் தேர்வுக்குரிய தேர்வு அட்டவணையை மேற்கண்ட இணைய தளத்தில் இருந்தே தெரிந்து கொள்ளலாம்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!