உயிருக்குப் போராடும் பெண் எம்.எல்.ஏ., நிகழ்ச்சி ஏற்பாட்டாளர்கள் மீது வழக்குப்பதிவு!
கின்னஸ் சாதனைக்காக கேரளத்தில் நடைபெற்ற நடன நிகழ்ச்சியில் கலந்து கொண்ட காங்கிரஸ் எம்எல்ஏ உமா தாமஸ் மேடையில் இருந்து தவறி கீழே விழுந்ததில் பலத்த காயமடைந்த நிலையில், மருத்துவமனையில் தீவிர சிகிச்சைப் பிரிவில் சுயநினைவை இழந்து, வெண்டிலேட்டர் உதவியுடன் சிகிச்சைப் பெற்று வருகிறார். இந்நிலையில், நிகழ்ச்சி ஏற்பாட்டாளர்கள் மீது வழக்குப்பதிவு செய்யப்பட்டு விசாரணை நடைபெற்று வருகிறது.
கீழே விழுந்ததில் மண்டை உடைந்து ரத்தம்கொட்டிய நிலையில், உடனடியாக மருத்துவமனையில் சிகிச்சைக்காக அனுமதிக்கப்பட்டுள்ள உமா தாமஸுக்கு தொடர்ந்து தொடர்ந்து வென்டிலேட்டர் உதவியுடன் தீவிர சிகிச்சை அளிக்கப்பட்டு வரும் சம்பவம் தொண்டர்களைக் கவலையடைய செய்துள்ளது.
கேரள மாநிலம் கொச்சியில் உள்ள ஜவஹர்லால் நேரு மைதானத்தில் நேற்று முன் தினம் மாலை 6 மணியளவில் பரதநாட்டிய நிகழ்ச்சிக்கு ஏற்பாடு செய்யப்பட்டிருந்தது.
இந்நிகழ்ச்சியில் கலந்து கொள்ளும் விஐபிக்கள் அமர்வதற்காக 15 அடி உயர மேடை அமைக்கப்பட்டிருந்தது. நிகழ்ச்சி தொடங்குவதற்கு முன்னதாக காங்கிரஸ் எம்எல்ஏ உமா தாமஸ் மேடைக்கு சென்ற நிலையில் எதிர்பாராத விதமாக தவறி மேடையிலிருந்து கீழே விழுந்தார். இதில் அவருக்கு தலையில் பலத்த காயம் ஏற்பட்டது.
விபத்தில் சிக்கிய எம்எல்ஏ உமா தாமஸ் உடனடியாக மீட்கப்பட்டு மருத்துவமனையில் அனுமதிக்கப்பட்ட நிலையில், சிடி ஸ்கேன் எடுத்துப் பார்த்ததில் அவரது தலையில் எலும்பு முறிவு, ரத்த கசிவு ஏற்பட்டிருப்பது தெரிய வந்துள்ளது.
கோட்டயம் மற்றும் எர்ணகுளம் மாவட்டங்களில் உள்ள மருத்துவக் கல்லூரிகளில் இருந்து சிறப்பு மருத்துவர்கள் எம்எல்ஏவுக்கு சிகிச்சை அளிக்கும் குழுவுடன் இணைந்து சிகிச்சை அளித்து வருகின்றனர்.
சுயநினைவை இழந்துள்ள உமா தாமஸுக்கு தொடர்ந்து வென்டிலேட்டர் உதவியுடன் சிகிச்சை அளிக்கப்பட்டு வருவதாக தகவல்கள் வெளியாகியுள்ளன. மருத்துவர்களுடன் கேரள சுகாதாரத்துறை அமைச்சர் வீணா ஜார்ஜ், தொழில்துறை அமைச்சர் ராஜீவ் உள்ளிட்டோர் ஆலோசனை நடத்தியுள்ளனர்.
இந்நிலையில், மேடையில் நிற்பதற்கு போதுமான இடம் ஒதுக்காததே உமா தாமஸ் கீழே விழுவதற்கு காரணம் என்று குற்றச்சாட்டு எழுந்துள்ளதைத் தொடர்ந்து நிகழ்ச்சி ஏற்பாட்டாளர்கள் மீது வழிகாட்டு நெறிமுறைகள் மீறப்பட்டதாக கொச்சி போலீசார் வழக்குப் பதிவு செய்து விசாரணை மேற்கொண்டு வருகின்றனர்.
2025 புத்தாண்டு இந்த 6 நட்சத்திரகாரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!
மார்கழி மாத விரத முறைகள், வழிபாடு, பலன்கள்!
சபரிமலை போறீங்களா?! 60 நாட்களுக்கு உணவு, தங்குமிடம் எல்லாமே இங்கே ஃப்ரீ தான்!!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!!