மகா கும்பமேளா தூய்மை பணிகளை தொடங்கி வைத்தார் முதல்வர் யோகி!
உத்தரப் பிரதேச மாநிலத்தில் பிரயாக்ராஜில் மகாகும்பமேளா கடந்த 45 நாட்களாக நடைபெற்று தற்போது நிறைவடைந்த நிலையில், தூய்மைப் பணிகளை மாநில முதல்வர் யோகி ஆதித்யநாத் தொடங்கிவைத்தார்.பிரம்மாண்ட ஆன்மிக திருவிழாவான கும்பமேளாவில்45 நாள்களும் பிரயாக்ராஜ் மக்கள் வெள்ளத்தில் மிதந்தது.உலகம் முழுவதும் இருந்து கும்பமேளாவில் சுமார் 66 கோடி பேர் புனித நீராடிச் சென்றனர். கும்பமேளா நடைபெற்ற இடத்தை தூய்மைப்படுத்தும் பணி இன்று காலை முதல் தொடங்கியுள்ளது.
महाकुम्भ-2025, प्रयागराज के साथ जुड़े हुए जो भी स्वच्छता एवं स्वास्थ्य कर्मी थे, उन सभी को हम लोग ₹10,000 का एक अतिरिक्त बोनस देंगे... pic.twitter.com/b3aSdF9VNE
— Yogi Adityanath (@myogiadityanath) February 27, 2025
இதுகுறித்து முதல்வர் யோகி “ மகா கும்பமேளாவை வெற்றிகரமாக நடத்துவதற்குப் பங்களித்த அனைவருக்கும் எனது மனமார்ந்த நன்றிகள். பிரதமர் மோடியின் தொலைநோக்குப் பார்வையாலும், அர்ப்பணிப்புள்ள தூய்மைப் பணியாளர்களின் ஆதரவாலும், பிரயாக்ராஜில் மகா கும்பமேளா கனவு நனவாகியுள்ளது எனக் கூறினார்.
அமைச்சர்களுடன் அரயில் காட் பகுதியில் தூய்மைப் பிரச்சாரத்தில் அவர் பங்கேற்றார். தூய்மைப்படுத்தும் பணிக்குப் பிறகு, முதல்வர் யோகி மற்றும் அவரது அமைச்சர்கள் திரிவேணி சங்கம் நோக்கி மிதவைக் கப்பலில் பயணித்தனர். பயணத்தின்போது, நீர்நிலைகளில் அமர்ந்திருந்த சைபீரியப் பறவைகளுக்குத் தானியங்களை வழங்கினார். திரிவேணி சங்கமத்தை அடைத்ததும், புனித சடங்கு ஒன்றை நிகழ்த்தினார். கண்ணுக்குத் தெரியாத வடிவங்களாகப் போற்றப்படும் அன்னை கங்கை, யமுனை, சரஸ்வதி தேவிக்கு மரியாதை செலுத்தினார். வேத மந்திரங்கள் முழங்க முதல்வர் யோகி, அமைச்சர்களுடன் இணைந்து கங்கைக்கு பால் அபிஷேகம் செய்து மக்களின் நலனுக்காகப் பிரார்த்தனை செய்து ஆரத்தி எடுத்தார்.
இந்நிகழ்வில் துணை முதல்வர்கள் கேசவ் பிரசாத் மௌரியா, பிரஜேஷ் பதக், அமைச்சர்கள் சுரேஷ் கன்னா, ராகேஷ் சச்சன், நந்த் கோபால் குப்தா நந்தி, அனில் ராஜ்பர், தலைமைச் செயலாளர் மனோஜ் குமார் சிங், டிஜிபி பிரசாந்த் குமார் உட்பட பல மூத்த அதிகாரிகளும் கலந்து கொண்டனர்.இன்று முழுவதும், பிரயாக்ராஜில் பல்வேறு நிகழ்ச்சிகளில் முதல்வர் யோகி கலந்து கொள்கிறார்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!