தாத்தாவானார் சிரஞ்சீவி... நடிகர் ராம்சரணுக்கு இரட்டைக் குழந்தைகள்.. 'லக்கி ஜார்ம்ஸ்' சிரஞ்சீவி நெகிழ்ச்சி பதிவு!

மெகா ஸ்டார் சிரஞ்சீவியின் குடும்பத்தில் தற்போது இரட்டிப்பு மகிழ்ச்சி பொங்கி வழிகிறது. நடிகர் ராம்சரண் - உபாசனா தம்பதியினருக்கு இரட்டைக் குழந்தைகள் பிறந்துள்ள செய்தியைச் சிரஞ்சீவி மிகுந்த உற்சாகத்துடன் பகிர்ந்துள்ளார்.

கடந்த சில ஆண்டுகளுக்கு முன்பு, தனது வீட்டில் பெண்கள் மற்றும் பேத்திகள் அதிகம் இருப்பதைச் சுட்டிக்காட்டி, "வீடு லேடீஸ் ஹாஸ்டல் போல இருக்கிறது" எனச் சிரஞ்சீவி ஜாலியாகக் குறிப்பிட்டது சமூக வலைதளங்களில் விவாதமானது. தனது குடும்பத்தில் ஒரு ஆண் வாரிசு வேண்டும் என்ற அவரது நீண்ட நாள் ஆசை தற்போது நிறைவேறியுள்ளது. ராம்சரண் - உபாசனா தம்பதியினருக்கு ஒரு ஆண் குழந்தை மற்றும் ஒரு பெண் குழந்தை என இரட்டைக் குழந்தைகள் பிறந்துள்ளன.

With immense joy and a heart full of gratitude, we are happy to share that @AlwaysRamCharan and @upasanakonidela have been blessed with twins - a baby boy and a baby girl.

Both the babies and the mother are healthy and doing well. ✨

Welcoming these little ones into our family…

— Chiranjeevi Konidela (@KChiruTweets) January 31, 2026

இது குறித்து எக்ஸ் தளத்தில் பதிவிட்டுள்ள சிரஞ்சீவி, "மிகுந்த மகிழ்ச்சியுடனும், நன்றியுணர்வுடனும் இதனைப் பகிர்ந்து கொள்கிறேன். தாத்தா பாட்டிகளாக எங்களுக்கு இது ஒரு தெய்வீக ஆசீர்வாதம். தாயும் குழந்தைகளும் நலமாக உள்ளனர்" எனத் தெரிவித்துள்ளார். ஏற்கனவே ராம்சரண் - உபாசனா தம்பதிக்கு கிளின் காரா (Klin Kaara) என்ற பெண் குழந்தை இருக்கும் நிலையில், இப்போது மேலும் இரண்டு வரவுகள் இணைந்துள்ளன.

இந்தச் செய்தியைத் தொடர்ந்து ஜூனியர் என்.டி.ஆர், அல்லு அர்ஜுன் உள்ளிட்ட திரையுலகப் பிரபலங்களும், மெகா ரசிகர்களும் சமூக வலைதளங்களில் வாழ்த்துகளைக் குவித்து வருகின்றனர். ஹைதராபாத்தில் உள்ள சிரஞ்சீவியின் இல்லம் மற்றும் ராம்சரணின் ரசிகர்கள் தற்போதே இனிப்புகள் வழங்கிக் கொண்டாடத் தொடங்கிவிட்டனர்.

ராம்சரண் தற்போது தனது பிரம்மாண்ட படமான 'கேம் சேஞ்சர்' வெற்றிக்குப் பிறகு, அடுத்தடுத்த படங்களில் கவனம் செலுத்தி வருகிறார். குடும்பத்தில் புதிய வரவுகள் இணைந்துள்ளதால், சில காலம் அவர் படப்பிடிப்புகளில் இருந்து ஓய்வு எடுத்துக்கொண்டு குழந்தைகளுடன் நேரத்தைச் செலவிடத் திட்டமிட்டுள்ளதாகக் கூறப்படுகிறது. மெகா குடும்பத்தின் இந்த மகிழ்ச்சியான தருணம் சமூக வலைதளங்களில் தற்போது டிரெண்டிங்கில் உள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!