கிறிஸ்துமஸ், புத்தாண்டு கொண்டாட்டம்... சிறப்பு ரயில்கள் அறிவிப்பு!
கிறிஸ்துமஸ் மற்றும் புத்தாண்டுப் பண்டிகைக் காலத்தில் ஏற்படும் பயணிகளின் கூட்ட நெரிசலைத் தவிர்ப்பதற்காக, ரயில்வே நிர்வாகம் சேலம் வழியாகச் செல்லும் முக்கிய வழித்தடங்களில் 4 சிறப்பு ரயில்களை இயக்க அறிவித்துள்ளது.
1. ஹூப்ளி – திருவனந்தபுரம் சிறப்பு ரயில் (07361)
இந்தச் சிறப்பு ரயில் வருகிற டிசம்பர் 23 (செவ்வாய்க்கிழமை) அன்று ஹூப்ளியில் இருந்து காலை 6.55 மணிக்குக் கிளம்புகிறது. இது பங்காருபேட்டை வழியாக வந்து, இரவு 9.30 மணிக்குச் சேலம் வந்தடையும். மூன்று நிமிடங்களுக்குப் பிறகு (9.33 மணிக்குப்) புறப்பட்டு, ஈரோடு, திருப்பூர், போத்தனூர் வழியாகச் சென்று மறுநாள் காலை 10.30 மணிக்குத் திருவனந்தபுரம் சென்றடையும்.
2. திருவனந்தபுரம் – எஸ்.எம்.வி.டி. பெங்களூரு சிறப்பு ரயில் (07362)
மறு மார்க்கமாக, திருவனந்தபுரத்தில் இருந்து டிசம்பர் 24 (புதன்கிழமை) மதியம் 12.40 மணிக்குக் கிளம்பும் இந்த ரயில், போத்தனூர், திருப்பூர், ஈரோடு வழியாகச் சென்று மறுநாள் நள்ளிரவு 12.17 மணிக்குச் சேலம் வந்தடையும். இங்கிருந்து 12.20 மணிக்குக் கிளம்பி, காலை 5.50 மணிக்கு எஸ்.எம்.வி.டி. பெங்களூருவைச் சென்றடையும்.
3. எஸ்.எம்.வி.டி. பெங்களூரு – கொல்லம் சிறப்பு ரயில் (06561)
எஸ்.எம்.வி.டி. பெங்களூருவில் இருந்து டிசம்பர் 27 (சனிக்கிழமை) மதியம் 3 மணிக்குக் கிளம்பும் இந்தச் சிறப்பு ரயில், பங்காருபேட்டை வழியாக வந்து இரவு 8 மணிக்குச் சேலத்தை அடையும். அங்கிருந்து 8.03 மணிக்குக் கிளம்பி, ஈரோடு, திருப்பூர், போத்தனூர் வழியாகச் சென்று மறுநாள் காலை 7.25 மணிக்குக் கொல்லம் சென்றடையும்.
4. கொல்லம் – ஹூப்ளி சிறப்பு ரயில் (06562)
கொல்லத்தில் இருந்து டிசம்பர் 28 (ஞாயிற்றுக்கிழமை) காலை 10.40 மணிக்குக் கிளம்பும் இந்த ரயில், போத்தனூர், திருப்பூர், ஈரோடு வழியாக இரவு 9.27 மணிக்குச் சேலம் வந்து சேரும். மூன்று நிமிடங்கள் நின்று 9.30 மணிக்குக் கிளம்பும் இந்த ரயில், பங்காருபேட்டை வழியாகச் சென்று மறுநாள் காலை 10.30 மணிக்கு ஹூப்ளியை அடைந்து பயணத்தை நிறைவு செய்யும்.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!