3 காங்கிரஸ் எம்.எல்.ஏ.க்கள் அதிரடி நீக்கம்: மாநிலங்களவைத் தேர்தலில் கட்சி மாறி வாக்களித்ததால் பெரும் பரபரப்பு!

ஒடிசா மாநிலத்தில் நடைபெற்ற மாநிலங்களவைத் தேர்தலில் கட்சி மாறி வாக்களித்த விவகாரத்தில் காங்கிரஸ் கட்சியைச் சேர்ந்த மூன்று சட்டமன்ற உறுப்பினர்கள் தற்காலிகமாக நீக்கப்பட்டுள்ளனர். ரமேஷ் ஜெனா, சோஃபியா ஃபிர்தோஸ் மற்றும் தசரத் காமேங்கோ ஆகிய மூவரும் கட்சியின் உத்தரவை மீறி செயல்பட்டதாகக் கூறி அவர்கள் மீது இந்த ஒழுங்கு நடவடிக்கை எடுக்கப்பட்டுள்ளது. மாநிலத்தின் ஆளும் கூட்டணி சார்பில் நிறுத்தப்பட்ட பொது வேட்பாளரைத் தோற்கடித்து, பாஜகவின் ஆதரவுடன் போட்டியிட்ட சுயேச்சை வேட்பாளர் வெற்றி பெற்றதே இந்த அரசியல் குழப்பத்திற்கு முக்கியக் காரணமாகப் பார்க்கப்படுகிறது.

இந்தத் தேர்தலில் காங்கிரஸ் கட்சியின் உத்தரவை மீறி மொத்தம் பதினோரு சட்டமன்ற உறுப்பினர்கள் மாற்று வேட்பாளருக்கு வாக்களித்ததாகத் தகவல்கள் கசிந்துள்ளன. இதில் முதற்கட்டமாக அடையாளம் காணப்பட்ட மூன்று காங்கிரஸ் உறுப்பினர்கள் மீதும் மாநிலத் தலைமை கடும் கோபத்தில் உள்ளது. இது கட்சியின் கொள்கைகளுக்கு இழைக்கப்பட்ட மிகப்பெரிய துரோகம் என்றும், சொந்தக் கட்சியின் வேட்பாளருக்கு வாக்களிக்காமல் எதிர்தரப்பை ஆதரித்ததை ஒருபோதும் ஏற்றுக்கொள்ள முடியாது என்றும் மாநிலத் தலைவர் பக்த சரண் தாஸ் ஊடகங்களிடம் ஆவேசமாகத் தெரிவித்துள்ளார்.

கட்சித் தாவல் தடைச் சட்டத்தின் கீழ் இந்த மூன்று உறுப்பினர்களையும் சட்டமன்ற உறுப்பினர் பதவியில் இருந்து நிரந்தரமாக நீக்குவதற்குத் தேவையான சட்ட நடவடிக்கைகளை காங்கிரஸ் கட்சி தொடங்கியுள்ளது. இவர்கள் செய்த தவறுக்கு உரிய தண்டனை கிடைக்கும் என்றும், அரசியலமைப்புச் சட்டத்தின் பத்தாவது அட்டவணைப்படி அவர்களின் பதவியைப் பறிக்க சபாநாயகரிடம் மனு அளிக்கப்படும் என்றும் தெரிவிக்கப்பட்டுள்ளது. இந்தத் திடீர் அதிரடி நடவடிக்கையால் ஒடிசா மாநில காங்கிரஸ் கட்சிக்குள் பெரும் அதிர்வலைகள் ஏற்பட்டுள்ளதோடு, மற்ற உறுப்பினர்களிடையேயும் கலக்கத்தை உருவாக்கியுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!