திமுக கவுன்சிலர் கொடூரமாக மர்ம நபர்களால் வெட்டிக்கொலை!

திருச்சி மாவட்டம் கூத்தையப்பார் பேரூராட்சியின் 11-வது வார்டு கவுன்சிலராக இருந்த ரஞ்சித்குமார், இன்று மர்ம நபர்களால் மிகக் கொடூரமான முறையில் வெட்டிக்கொலை செய்யப்பட்டார். 38 வயதான அவர், தனது இருசக்கர வாகனத்தில் திருவெறும்பூர் - நாவல்பட்டு சாலையில் சென்று கொண்டிருந்தபோது இந்தத் துயரச் சம்பவம் நிகழ்ந்துள்ளது. ஆள் நடமாட்டம் உள்ள சாலையில் பட்டப்பகலில் நடந்த இந்த ரத்தச் சரித்திரம் அந்தப் பகுதி மக்களிடையே பெரும் பீதியை ஏற்படுத்தியுள்ளது.

மோட்டார் சைக்கிளில் ரஞ்சித்குமார் சென்று கொண்டிருந்தபோது, அவரைப் பின்தொடர்ந்து வந்த ஒரு மர்ம கும்பல் திடீரென வழிமறித்துத் தாக்குதலில் ஈடுபட்டது. தப்பியோட முயன்ற ரஞ்சித்குமாரை ஓட ஓட விரட்டிய அந்த கும்பல், கையில் வைத்திருந்த பயங்கர ஆயுதங்களால் சரமாரியாக வெட்டிச் சாய்த்தது. இதில் ரத்த வெள்ளத்தில் சரிந்த அவர், சம்பவ இடத்திலேயே துடிதுடிக்க உயிரிழந்தார். தகவல் அறிந்து அங்கு திரண்ட ஆதரவாளர்களின் கதறல் சத்தம் அந்த இடத்தையே சோகத்தில் ஆழ்த்தியது.

இந்த அதிரடி கொலைச் சம்பவம் குறித்துத் தகவல் கிடைத்ததும், திருவெறும்பூர் காவல்துறையினர் விரைந்து வந்து உடலைக் கைப்பற்றி பிரேதப் பரிசோதனைக்கு அனுப்பி வைத்தனர். அரசியல் முன்விரோதம் காரணமாக இந்தக் கொலை நடந்ததா அல்லது வேறு ஏதேனும் தனிப்பட்ட காரணங்கள் பின்னணியில் உள்ளதா என்பது குறித்துப் போலீசார் தீவிரமாக விசாரித்து வருகின்றனர். தப்பியோடிய கொலையாளிகளைப் பிடிக்கத் தனிப்படைகள் அமைக்கப்பட்டு, அந்தப் பகுதியில் உள்ள கேமரா காட்சிகளை ஆய்வு செய்து வருகின்றனர். இந்தச் சம்பவத்தால் திருச்சியில் பதற்றம் நிலவுகிறது

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!