கொடூரத்தின் உச்சம்... இரவோடு இரவாக நடந்த நாய் வேட்டை... விஷ ஊசி செலுத்தி 100 நாய்கள் படுகொலை!

தெலுங்கானா மாநிலம் மஞ்சேரியல் மாவட்டத்தில் உள்ள கிஷ்டாப்பூர் கிராமத்தில் கடந்த சில தினங்களுக்கு முன்பு நள்ளிரவு நேரத்தில் பெரும் கொடூரம் அரங்கேறியுள்ளது. நூற்றுக்கும் மேற்பட்ட தெருநாய்கள் மர்மமான முறையில் விஷ ஊசி செலுத்தப்பட்டு மிகவும் கொடூரமான முறையில் கொல்லப்பட்டுள்ளன. உயிரிழந்த நாய்களின் உடல்கள் அனைத்தும் அந்த ஊரின் அருகே ஓடும் ஆற்றங்கரையோரம் வீசப்பட்டுக் கிடந்தன. இதனைத் தற்செயலாகக் கண்ட அந்தப் பகுதி மக்கள் அதிர்ச்சியடைந்து விலங்குகள் நல ஆர்வலர்களுக்குத் உடனடியாகத் தகவல் தெரிவித்தனர். தகவல் அறிந்து விரைந்து வந்த ஆர்வலர்கள் இந்தப் படுகொலை குறித்து உள்ளூர் காவல் நிலையத்தில் முறைப்படி புகார் அளித்துள்ளனர்.

அளிக்கப்பட்ட அந்தப் புகாரில் கிஷ்டாப்பூர் கிராம பஞ்சாயத்து தலைவர் மற்றும் அதன் செயலர் ஆகியோர் மீது மிகக் கடுமையான குற்றச்சாட்டுகள் முன்வைக்கப்பட்டுள்ளன. தெருநாய்களைக் ஒழித்துக் கட்டுவதற்காகவே இவர்கள் இருவரும் தனியாக இரண்டு நபர்களை வாடகைக்கு அமர்த்தி இந்தக் காரியத்தைச் செய்ததாகக் கூறப்படுகிறது. அந்த நபர்கள் ஊருக்குள் சுற்றித் திரிந்த நாய்களைப் பிடித்து அவற்றின் உடலில் நச்சுத் தன்மை கொண்ட ஊசிகளைச் செலுத்தியுள்ளனர். பின்னர் உயிரிழந்த நாய்களின் உடல்களை யாருக்கும் தெரியாமல் மறைப்பதற்காக ஆற்றங்கரையோரம் குழி தோண்டிப் புதைத்ததும் விசாரணையில் தெரியவந்துள்ளது. இந்தப் புகாரின் அடிப்படையில் காவல்துறையினர் சம்பந்தப்பட்ட அதிகாரிகள் மீது தற்போது வழக்குப் பதிவு செய்து தீவிர விசாரணை நடத்தி வருகின்றனர்.

கடந்த மூன்று மாத காலமாகத் தெலுங்கானா மாநிலத்தின் பல்வேறு பகுதிகளில் தெருநாய்கள் இது போன்று தொடர்ச்சியாகக் கொல்லப்படுவது பொதுமக்களிடையே பெரும் அதிர்ச்சியை ஏற்படுத்தியுள்ளது. விலங்கு வன்கொடுமை தடுப்புச் சட்டத்தின் கீழ் வழக்குப் பதிவு செய்துள்ள காவல்துறையினர் தலைமறைவாக உள்ள பஞ்சாயத்து தலைவரைத் தேடி வருகின்றனர். ஊரைப் பாதுகாக்க வேண்டிய அதிகாரிகளே இதுபோன்ற சட்டவிரோதமான செயல்களில் ஈடுபட்டிருப்பது சமூக ஆர்வலர்கள் மத்தியிலும் பெரும் கொந்தளிப்பை உருவாக்கியுள்ளது. வாயில்லாப் பிராணிகளைக் கொடூரமாகக் கொன்றவர்களுக்குத் தகுந்த தண்டனை பெற்றுத் தர வேண்டும் எனப் பலரும் கோரிக்கை விடுத்துள்ளனர். இந்தச் சம்பவம் அந்தப் பகுதியில் பெரும் பரபரப்பையும் அதே வேளையில் மிகுந்த சோகத்தையும் ஏற்படுத்தி இருக்கின்றது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்