வாழ்நாள் முழுவதும் வருமானம் கேரண்டி... எல்ஐசி-யின் புதிய 'ஜீவன் உத்சவ்' ஒற்றை பிரீமியம் திட்டம் அறிமுகம்!

இந்தத் திட்டம் ஏற்கனவே நடைமுறையில் உள்ள 'ஜீவன் உத்சவ்' வழக்கமான பிரீமியம் திட்டத்தின் ஒரு புதிய பதிப்பாகும். ஒரே ஒரு முறை மட்டும் பணம் செலுத்தி, வாழ்நாள் முழுவதும் பலன்களைப் பெற விரும்புவோருக்காக இது வடிவமைக்கப்பட்டுள்ளது.

இந்தத் திட்டம் வரும் ஜனவரி 12, 2026 முதல் பொதுமக்களின் பயன்பாட்டிற்குக் கிடைக்கும். 30 நாட்கள் நிறைந்த குழந்தைகள் முதல் 65 வயது வரையிலான பெரியவர்கள் வரை அனைவரும் இதில் சேரலாம். குறைந்தபட்ச அடிப்படை காப்பீட்டுத் தொகை ₹5 லட்சம். அதிகபட்ச வரம்பு ஏதுமில்லை. இது ஒரு 'ஒற்றை பிரீமியம்' திட்டம். அதாவது, பாலிசி எடுக்கும்போது ஒரே ஒருமுறை மட்டும் பிரீமியம் செலுத்தினால் போதும்.

உத்தரவாதச் சேர்க்கைகள்: பாலிசியின் தொடக்க ஆண்டுகளில் ஒவ்வொரு ஆண்டும் ஒரு குறிப்பிட்ட தொகை காப்பீட்டுத் தொகையுடன் சேர்க்கப்படும். உத்தரவாதச் சேர்க்கை காலம் முடிந்த பிறகு, பாலிசிதாரருக்கு வாழ்நாள் முழுவதும் ஆண்டுதோறும் ஒரு குறிப்பிட்ட தொகை வருமானமாக வழங்கப்படும்.

இறப்புப் பயன் : பாலிசிதாரர் எதிர்பாராத விதமாக உயிரிழந்தால், நாமினிக்கு காப்பீட்டுத் தொகை மற்றும் சேர்ந்த பலன்கள் வழங்கப்படும். இந்தத் திட்டத்தின் கீழ் பாலிசிதாரர்கள் கடன் பெறும் வசதியும் உண்டு.

இத்திட்டத்தில் 'வழக்கமான வருமானம்' அல்லது 'நெகிழ்வு வருமானம்' என இரண்டு தெரிவுகள் உள்ளன. நெகிழ்வு வருமான முறையில், உங்களுக்குத் தேவைப்படும்போது மட்டும் அந்தத் தொகையை வட்டியுடன் சேர்த்துப் பெற்றுக் கொள்ளலாம். ஒற்றை பிரீமியம் செலுத்துவதால், அந்த ஆண்டில் வருமான வரிச் சட்டத்தின் கீழ் வரிச் சலுகை பெற வாய்ப்புள்ளது.

பங்குச்சந்தை வீழ்ச்சியடைந்து வரும் தற்போதைய சூழலில், நிலையான வருமானம் தரும் எல்ஐசி-யின் இத்தகைய திட்டங்களுக்கு முதலீட்டாளர்களிடையே அதிக வரவேற்பு இருக்கும் என எதிர்பார்க்கப்படுகிறது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!