இந்தோனேசியாவில் 7.8 ரிக்டர் அளவில் சக்திவாய்ந்த நிலநடுக்கம்... சுனாமி எச்சரிக்கை!

இந்தோனேசியாவின் டெர்னேட் அருகே உள்ள வடக்கு மொலுக்கா கடல் பகுதியில் இன்று காலை பயங்கர நிலநடுக்கம் ஏற்பட்டது. ரிக்டர் அளவில் 7.8 ஆகப் பதிவான இந்த நிலநடுக்கம் அந்தப் பிராந்தியம் முழுவதையும் உலுக்கியது. உள்ளூர் நேரப்படி காலை 6.48 மணி அளவில் ஏற்பட்ட இந்த இயற்கைச் சீற்றத்தால் இந்தோனேசியாவின் பல்வேறு பகுதிகளில் கட்டிடங்கள் பலமாக குலுங்கின. அதிகாலையில் ஏற்பட்ட இந்த அதிர்வால் பொதுமக்கள் அச்சமடைந்து வீடுகளை விட்டு வெளியேறி வீதிகளில் தஞ்சம் அடைந்தனர்.

கடல் பகுதியில் மிக வலிமையான நிலநடுக்கம் ஏற்பட்டதைத் தொடர்ந்து, இந்தோனேசிய அரசு உடனடியாகச் சுனாமி எச்சரிக்கையை விடுத்துள்ளது. நிலநடுக்கம் ஏற்பட்ட இடத்திலிருந்து சுமார் ஆயிரம் கிலோமீட்டர் சுற்றளவில் உள்ள கடலோரப் பகுதிகளில் ராட்சத சுனாமி அலைகள் எழ வாய்ப்புள்ளதாக எச்சரிக்கப்பட்டுள்ளது. இந்த எச்சரிக்கை இந்தோனேசியாவுடன் மட்டும் நின்றுவிடாமல், அண்டை நாடுகளான பிலிப்பைன்ஸ் மற்றும் மலேசியா ஆகிய நாடுகளுக்கும் விடுக்கப்பட்டுள்ளது. கடலோரப் பகுதிகளில் வசிக்கும் மக்கள் பாதுகாப்பான இடங்களுக்குச் செல்லுமாறு அறிவுறுத்தப்பட்டுள்ளனர்.

இந்த நிலநடுக்கத்தால் ஏற்பட்ட உயிர்ச் சேதங்கள் அல்லது கட்டிடச் சேதங்கள் குறித்த அதிகாரப்பூர்வத் தகவல்கள் இதுவரை வெளியாகவில்லை. பாதிக்கப்பட்ட பகுதிகளில் மீட்புக் குழுவினர் தயார் நிலையில் வைக்கப்பட்டுள்ளனர். பசிபிக் நெருப்பு வளையப் பகுதியில் இந்தோனேசியா அமைந்துள்ளதால் அங்கு அடிக்கடி நிலநடுக்கங்கள் ஏற்படுவது வழக்கமான ஒன்று என்றாலும், தற்போது பதிவாகியுள்ள 7.8 ரிக்டர் அளவு மிகப்பெரிய பாதிப்புகளை ஏற்படுத்தக்கூடும் என அஞ்சப்படுகிறது. தற்போதைய நிலவரப்படி கடல் மட்டத்தின் மாற்றங்களை விண்வெளி மற்றும் கடல்சார் ஆய்வு நிறுவனங்கள் தீவிரமாகக் கண்காணித்து வருகின்றன.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!