ஒரு லட்சத்துக்கு மேல் டெபாசிட் செய்தால் ஆபத்து... வங்கிக் கணக்குகளை தீவிரமாகக் கண்காணிக்கும் தேர்தல் ஆணையம் !
தமிழக சட்டமன்றத் தேர்தல் நெருங்கி வரும் வேளையில், வாக்காளர்களுக்குப் பணம் விநியோகிப்பதைத் தடுக்கச் சென்னை மாவட்டத் தேர்தல் அதிகாரி புதிய கட்டுப்பாடுகளை விதித்துள்ளார். குறிப்பாக, ஜி-பே மற்றும் போன்பே போன்ற கைபேசி செயலிகள் வழியாகப் பொதுமக்களுக்குப் பணம் அனுப்பப்படுவதைத் தீவிரமாகக் கண்காணிக்க வங்கி ஊழியர்களுக்கு உத்தரவிடப்பட்டுள்ளது. சந்தேகத்திற்கு இடமான முறையில் ஒரே கணக்கிலிருந்து பலருக்குத் தொடர்ச்சியாகப் பணம் பரிமாற்றம் செய்யப்பட்டால், அது குறித்து உடனடியாகத் தேர்தல் அதிகாரிகளுக்குத் தகவல் தெரிவிக்க வேண்டும் என்று அறிவுறுத்தப்பட்டுள்ளது.
அரசியல் கட்சிகள் மற்றும் வேட்பாளர்களின் வங்கிக் கணக்குகளும் தற்போது தேர்தல் ஆணையத்தின் நேரடிக் கண்காணிப்பின் கீழ் கொண்டு வரப்பட்டுள்ளன. ஒரு நாளில் ஒரு லட்ச ரூபாய்க்கும் அதிகமான தொகையை வங்கிக் கணக்கில் செலுத்தினாலோ அல்லது எடுத்தாலோ அது குறித்த விவரங்களை வங்கிகள் உடனுக்குடன் சமர்ப்பிக்க வேண்டும். அதிகப்படியான பணப் புழக்கத்தைக் கட்டுப்படுத்துவதன் மூலம் தேர்தல் நேரத்தில் முறைகேடுகள் நடப்பதைத் தவிர்க்க முடியும் எனத் தேர்தல் ஆணையம் நம்புகிறது.
மின்னணு பணப் பரிமாற்றங்கள் மட்டுமின்றி, வங்கிகளில் நடைபெறும் வழக்கத்திற்கு மாறான பெரிய அளவிலான பணப் பரிவர்த்தனைகளும் வருமான வரித்துறையின் ஆய்வுக்கு உட்படுத்தப்படும். இதற்காக ஒவ்வொரு மாவட்டத்திலும் பிரத்யேகக் கண்காணிப்புக் குழுக்கள் அமைக்கப்பட்டு, வங்கி மேலாளர்களுடன் இணைந்து தேர்தல் அதிகாரிகள் பணியாற்றி வருகின்றனர். ஜனநாயக முறையில் நேர்மையான தேர்தலை உறுதி செய்ய பொதுமக்கள் மற்றும் வங்கி ஊழியர்களின் ஒத்துழைப்பு மிகவும் அவசியம் என்றும் சென்னை மாவட்டத் தேர்தல் அதிகாரி கேட்டுக்கொண்டுள்ளார்.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!