ஏப்ரல் 23ம் தேதி வாக்காளர்களுக்கு சம்பளத்துடன் லீவு ... தனியார் நிறுவனங்களுக்கு உத்தரவு!

தமிழகத்தில் சட்டப்பேரவைப் பொதுத்தேர்தல்  ஏப்ரல் 23ம் தேதி நடைபெறவுள்ள நிலையில், அன்று அனைத்துத் தனியார் நிறுவனங்கள் மற்றும் தொழிற்சாலைகளுக்கு ஊதியத்துடன் கூடிய விடுமுறை அளிக்க வேண்டும் எனத் தேர்தல் ஆணையம் அதிரடி உத்தரவு பிறப்பித்துள்ளது. வாக்காளர்கள் எவ்விதத் தடையுமின்றித் தங்களின் ஜனநாயகக் கடமையை ஆற்றுவதை உறுதி செய்யும் வகையில் இந்த நடவடிக்கை எடுக்கப்பட்டுள்ளது. சொந்த ஊர்களுக்குச் சென்று வாக்களிக்கத் திட்டமிட்டுள்ள தனியார் துறை ஊழியர்களுக்கு இந்த அறிவிப்பு பெரும் நிம்மதியை அளித்துள்ளது.

தேர்தல் நாளன்று ஊழியர்களை வேலைக்கு அழைப்பதோ அல்லது விடுமுறை அளிக்க மறுப்பதோ சட்டப்படி குற்றமாகும். அவ்வாறு விதிமுறைகளை மீறிச் செயல்படும் நிறுவனங்கள் மற்றும் தொழிற்சாலைகள் மீது தொழிலாளர் நலத்துறை மூலம் கடுமையான சட்ட நடவடிக்கைகள் பாயும் எனத் தேர்தல் ஆணையம் எச்சரித்துள்ளது. மக்கள் அச்சமின்றி வாக்களிப்பதற்கும், வாக்கு சதவீதத்தை அதிகரிப்பதற்கும் ஏதுவாக இந்த விடுமுறை கட்டாயமாக்கப்பட்டுள்ளது. தேர்தலுக்கான வாக்கு எண்ணிக்கை மே மாதம் 4-ஆம் தேதி நடைபெறும் என்றும் அறிவிக்கப்பட்டுள்ளது.

தமிழகம் மட்டுமின்றி தேர்தல் நடைபெறவுள்ள கேரளம், புதுச்சேரி மற்றும் மேற்கு வங்கம் ஆகிய மாநிலங்களிலும் அந்தந்த தேர்தல் தேதிகளில் இதேபோன்ற விடுமுறை அறிவிப்பு வெளியிடப்பட்டுள்ளது. ஜனநாயகத் திருவிழாவில் அனைவரும் பங்கேற்க வேண்டும் என்ற நோக்கில் அரசு எடுத்துள்ள இந்த முடிவைத் தனியார் நிறுவனங்கள் கட்டாயம் பின்பற்ற வேண்டும் என அறிவுறுத்தப்பட்டுள்ளது. இதன் மூலம் தனியார் துறையில் பணியாற்றும் லட்சக்கணக்கான வாக்காளர்கள் எவ்வித ஊதியப் பிடித்தமும் இன்றித் தங்கள் வாக்குகளைப் பதிவு செய்ய வழிவகை செய்யப்பட்டுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!