முன்னாள் ராணுவ வீரர் ரயில் முன் பாய்ந்து தற்கொலை!

ஆந்திரா மாநிலம், அமராவதி விசாகப்பட்டினம் அருகே நஷ்டத்தில் இயங்கி வந்த தனது தொழிலைக் காப்பாற்ற முடியாமல் மன உளைச்சலுக்கு ஆளான முன்னாள் ராணுவ வீரர், ஓடும் ரயில் முன் பாய்ந்து தனது உயிரை மாய்த்துக் கொண்டுள்ளார்.

விசாகப்பட்டினம் மாவட்டம் கஞ்ச்வாகா பகுதியைச் சேர்ந்தவர் வெங்கட ரமணா (64). இந்திய ராணுவத்தில் வீரராகப் பணியாற்றி ஓய்வு பெற்ற இவர், பின்னர் அங்கிருந்த இரும்பு ஆலை ஒன்றில் பணியாற்றி வந்தார். அதன் பிறகு, கஞ்ச்வாகா பகுதியில் சொந்தமாக ஒரு சூப்பர் மார்க்கெட் தொடங்கி தொழில் நடத்தி வந்துள்ளார்.

கடந்த சில காலங்களாக சூப்பர் மார்க்கெட் தொழிலில் அவருக்குத் தொடர்ந்து நஷ்டம் ஏற்பட்டு வந்ததாகக் கூறப்படுகிறது. இதனால் ஏற்பட்ட கடும் நிதி நெருக்கடி காரணமாக வெங்கட ரமணா பெரும் மன உளைச்சலுக்கு ஆளாகியுள்ளார்.

இன்று காலை வீட்டை விட்டு வெளியேறிய வெங்கட ரமணா, துவாடா ரயில் நிலையப் பகுதிக்குச் சென்றுள்ளார். தண்டவாளத்தில் பெங்களூரு நோக்கிச் சென்ற ரயிலுக்காகக் காத்திருந்த அவர், ரயில் மிக அருகில் வரும்போது திடீரென அதன் முன் பாய்ந்துள்ளார். இந்தத் தற்கொலை முயற்சியில் அவர் ரயிலில் அடிபட்டு சம்பவ இடத்திலேயே பரிதாபமாக உயிரிழந்தார்.

இது குறித்த தகவலறிந்து சம்பவ இடத்திற்கு விரைந்து வந்த ரயில்வே மற்றும் உள்ளூர் போலீஸார், அவரது உடலை மீட்டுப் பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். ராணுவத்தில் நாட்டுக்காகப் பணியாற்றித் திரும்பிய ஒருவர், நிதி நெருக்கடியால் இப்படி ஒரு முடிவை எடுத்திருப்பது அந்தப் பகுதி மக்களிடையே பெரும் அதிர்ச்சியை ஏற்படுத்தியுள்ளது.

குறிப்பு:

தற்கொலை என்பது எதற்கும் முடிவல்ல. மன அழுத்தம் அல்லது இது போன்ற நிதிச் சிக்கல்களில் இருப்பவர்கள் அரசு வழங்கும் இலவச மனநல ஆலோசனை மையங்களை (உதாரணம்: 'சினேகா' அமைப்பு - 044-24640050) அணுகி உதவி பெறலாம்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!