தமிழகம் முழுவதும் 14 வழிகாட்டி நெறிமுறைகள் வெளியிட்டு உணவுப் பாதுகாப்புத்துறை எச்சரிக்கை!

தமிழகம் முழுவதும் உணவு விற்பனை குறித்து 14 வழிகாட்டு நெறிமுறைகள் வெளியிட்டு, உணவு பாதுகாப்புத்துறை எச்சரிக்கை விடுத்துள்ளது. 

அதன்படி, “உணவு விற்பனை செய்யும் வணிகர்கள் அனைவரும் http://foscos.gov.in என்னும் இணையதளத்தில்  விண்ணப்பித்து உணவு பாதுகாப்பு உரிமம் அல்லது பதிவு சான்றிதழ் பெற வேண்டும். 

உணவக ஊழியர்கள் மற்றும் பணியாளர்கள் டைபாய்டு, மஞ்சள் காமாலை தடுப்பூசி செலுத்தி, அதற்கான மருத்துவ தகுதி சான்றிதழ் வைத்திருக்க வேண்டும் 
சமையல் எண்ணெயை ஒரு முறை மட்டுமே சமைக்க பயன்படுத்த வேண்டும். மீதமான பயன்படுத்திய எண்ணெயை எப்.எஸ்.எஸ்.ஏ.ஐ அங்கீகரித்த கொள்முதலாளருக்கு மட்டுமே  விற்க வேண்டும்
உணவு வணிக நிறுவனங்களில் பயன்படுத்தப்படும் தண்ணீரை பகுப்பாய்வு செய்து, அதற்கான பகுப்பாய்வறிக்கை வைத்திருக்க வேண்டும்.  

உணவுப் பொருட்களில் ஈ, பூச்சிகள் மொய்க்காத வண்ணம் கண்ணாடி பெட்டியில் மூடி காட்சிப்படுத்த வேண்டும். 
விற்பனையாகாமல் மீதமான உணவை  அப்புறப்படுத்திட வேண்டும். 

செய்தித்தாள் போன்ற அச்சிட்ட காகிதங்களில் உணவுப் பொருள்  நேரடியாகப்படும் வகையில்  பரிமாறவோ/ பொட்டலமிடவோ கூடாது. 
உணவை கையாள்பவர்கள் கையுறை மற்றும் தலைமுடி கவசம் இவைகளை  அணிய வேண்டும். 

சிக்கன், பஜ்ஜி, கோபி மஞ்சூரியன்  உணவு வகைகளை செயற்கை நிறமிகள் சேர்க்கக்கூடாது. 

உணவு பரிமாற வாழை இலை அல்லது அனுமதிக்கப்பட்ட பார்ச்மெண்ட் பேப்பர், அலுமினியம் பாயில் மட்டுமே பயன்படுத்த வேண்டும். அனுமதிக்கப்படாத பிளாஸ்டிக் பொருட்களை பயன்படுத்தக்கூடாது. 

எவ்வகை உணவு எண்ணெய்களையும் லேபிள் விபரங்களின்றியும்,  பொட்டலமிடாமல் சில்லறை அடிப்படையிலும் நுகர்வோருக்கு விற்பனை செய்யக்கூடாது.

பொட்டலமிடப்பட்ட உணவுப் பொருட்களை கொள்முதல் விற்பனை செய்யும் போது, FSSAI உரிம எண்ணுடன் கூடிய முழுமையான லேபிள் விபரங்கள் இருப்பதை உறுதி செய்ய வேண்டும்.

உணவு சமைக்க மற்றும் நொறுக்குத் தீனிகள் தயாரிக்க அயோடின் கலந்த உப்பு மட்டுமே பயன்படுத்த வெண்டும். உணவகங்கள்/ பேக்கரி/ இனிப்பகங்கள் போன்ற உணவு நிறுவனங்களில் அயோடின் கலக்காத உப்பு இருக்கக்கூடாது. 

வணிகர்கள் வழிகாட்டு நெறிமுறைகளை பின்பற்றாமல் உணவு விற்றாலோ, தயாரித்தாலோ கடும் நடவடிக்கைப்படும். மேலும்

உணவு பாதுகாப்புத்துறை சட்டத்தின்படி கடையின் உரிமம் ரத்து செய்யப்படும் எனவும் அறிவிக்கப்பட்டுள்ளது.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க நட்சத்திரத்துக்கு லாபம் தரும் துறை எது