ஏறிய வேகத்தில் இறங்கிய தங்கம் ... நகைப்பிரியர்களுக்கு ஜாக்பாட்!

கடந்த சில நாட்களாக ஏறுவதும் இறங்குவதுமாக கண்ணாமூச்சி காட்டி வந்த தங்கத்தின் விலை இன்று மாலை அதிரடியாகக் குறைந்து இல்லத்தரசிகளுக்கு இன்ப அதிர்ச்சி கொடுத்துள்ளது. இன்று காலை நிலவரப்படி சவரனுக்கு ஐந்நூற்று அறுபது ரூபாய் உயர்ந்து விற்பனையான நிலையில் மாலை நேரத்தில் யாரும் எதிர்பாராத விதமாக விலை மளமளவெனச் சரிந்துள்ளது. சென்னையில் ஆபரணத் தங்கத்தின் விலை கிராமுக்கு முந்நூற்று இருபது ரூபாய் குறைந்து பதிமூன்று ஆயிரத்து முந்நூற்று ஐம்பது ரூபாய்க்கு விற்பனை செய்யப்படுவது நகைப்பிரியர்களிடையே மகிழ்ச்சியை ஏற்படுத்தியுள்ளது.

தங்கத்தின் விலை இன்று காலை ஒரு சவரன் ஒரு லட்சத்து ஒன்பதாயிரத்து முன்னூற்று அறுபது ரூபாய்க்கு விற்பனையான நிலையில் மாலை நேரத்தில் இரண்டாயிரத்து ஐந்நூற்று அறுபது ரூபாய் வரை சரிந்து ஒரு லட்சத்து ஆறாயிரத்து எண்ணூறு ரூபாய்க்கு வந்துள்ளது. கடந்த பன்னிரண்டாம் தேதியில் இருந்து தங்கம் விலை குறையத் தொடங்கி அவ்வப்போது ஏற்றம் கண்டு வந்த நிலையில் இந்த திடீர் விலை வீழ்ச்சி பெரும் பரபரப்பை ஏற்படுத்தியுள்ளது. உலக சந்தையில் நிலவும் மாற்றங்களே உள்நாட்டிலும் இந்த விலை மாற்றத்திற்குக் காரணம் எனத் தங்கம் மற்றும் வைர நகை வியாபாரிகள் சங்கம் தரப்பில் தெரிவிக்கப்பட்டுள்ளது.

தங்கத்தைப் போலவே வெள்ளியின் விலையும் இன்று காலை உயர்ந்து காணப்பட்ட நிலையில் மாலையில் எந்த மாற்றமுமின்றி நிலையாக நீடிக்கிறது. சென்னையில் ஒரு கிராம் வெள்ளி இருநூற்று அறுபது ரூபாய்க்கும் ஒரு கிலோ வெள்ளி இரண்டு லட்சத்து அறுபதாயிரம் ரூபாய்க்கும் விற்பனை செய்யப்பட்டு வருகிறது. தங்கம் விலை காலையில் உயர்ந்த வேகத்தைக் கண்டு அதிர்ச்சியில் இருந்த பொதுமக்கள் மாலையில் ஏற்பட்ட இந்த அதிரடி விலை குறைவை சாதகமாகப் பயன்படுத்தி நகைக் கடைகளை நோக்கி படையெடுக்கத் தொடங்கியுள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!