தொடரும் கனமழை... மீனவர்கள் 14வது நாளாகக் கடலுக்குச் செல்லவில்லை... வாழ்வாதாரம் பாதிக்கப்பட்டுள்ளதாக வேதனை!

வங்கக் கடலில் நிலைகொண்டுள்ள 'டிட்வா' புயல் மற்றும் அதைத் தொடர்ந்த கனமழை அச்சுறுத்தல் காரணமாகக் காரைக்கால் மற்றும் தஞ்சாவூர் மாவட்டங்களைச் சேர்ந்த மீனவர்கள், 14வது நாளாகக் கடலுக்குச் செல்லாமல் நிறுத்தி வைத்துள்ளனர். இதனால், தங்கள் வாழ்வாதாரம் கடுமையாகப் பாதிக்கப்பட்டு இருப்பதாக மீனவர்கள் வேதனை தெரிவித்துள்ளனர்.

தற்போது 'டிட்வா' புயல் புதுச்சேரிக்குச் சுமார் 220 கிலோமீட்டர் தொலைவில் மையம் கொண்டிருக்கிறது. இதன் காரணமாக, புதுச்சேரி மற்றும் காரைக்கால் கடற்கரைப் பகுதிகள் மிகவும் கொந்தளிப்பாகக் காணப்படுகின்றன. அலைகளின் சீற்றம் மிகத் தீவிரமாக இருப்பதால், பொதுமக்கள் யாரும் கடற்கரைப் பகுதிக்குச் செல்ல வேண்டாம் என்று மாவட்ட நிர்வாகம் அறிவுறுத்தியுள்ளது. பாதுகாப்பு நடவடிக்கையாக, கரையோரப் பகுதிகளில் காவல்துறையினர் கண்காணிப்புப் பணிகளில் ஈடுபட்டுள்ளனர்.

தொடர் மழை மற்றும் புயல் எச்சரிக்கை காரணமாகக் காரைக்கால் மீனவர்கள் கடந்த 14 நாட்களாக மீன் பிடிக்கச் செல்லவில்லை. காரைக்கால் கரையோரப் பகுதிகளில் 800க்கும் அதிகமான விசைப்படகுகளும் நாட்டுப் படகுகளும் பாதுகாப்பாக நிறுத்தி வைக்கப்பட்டுள்ளன. தொடர்ச்சியாக வேலை இல்லாததால், தங்களின் வாழ்வாதாரம் முற்றிலும் பாதிக்கப்பட்டுள்ளதாக மீனவர்கள் தரப்பிலிருந்து வேதனையுடன் தெரிவிக்கப்பட்டுள்ளது.

இதே போன்று, தஞ்சாவூர் மாவட்டத்திலும் நிலைமை கவலை அளிக்கும் வகையில் உள்ளது. பேராவூரணி அருகே சேதுபாவாசத்திரம், மல்லிப்பட்டினம், கள்ளிவயல் தோட்டம் உள்ளிட்ட பகுதிகளில் உள்ள 146 விசைப் படகுகளும், 4 ஆயிரத்திற்கும் மேற்பட்ட நாட்டுப் படகுகளும் புயல் அறிவிப்புக் காரணமாக துறைமுகங்களில் பாதுகாப்பாகக் கட்டி வைக்கப்பட்டுள்ளன. மீனவர்களின் குடும்பங்களுக்கு வாழ்வாதார உதவி வழங்க அரசு உரிய நடவடிக்கை எடுக்க வேண்டும் என்று அவர்கள் கோரிக்கை விடுத்துள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!