புகழ்பெற்ற ஹாலிவுட் நடிகை காலமானார்... ரசிகர்கள் அதிர்ச்சி!
ஏராளமான வெற்றிப் படங்கள் மூலம் உலகெங்கிலும் உள்ள சினிமா ரசிகர்களைக் கவர்ந்த பிரபல ஹாலிவுட் நடிகை மேரி பெத் ஹர்ட் உடல்நலக் குறைவால் காலமானார். அவருக்கு வயது 79 ஆகும். கடந்த சில ஆண்டுகளாகவே நினைவாற்றலை இழக்கும் அல்சைமர் நோயால் பாதிக்கப்பட்டு தீவிர சிகிச்சையில் இருந்த அவர் சிகிச்சை பலனின்றி உயிர் பிரிந்ததாக அவரது மகள் மோலி ஸ்ரேடர் அதிகாரப்பூர்வமாகத் தெரிவித்துள்ளார்.
நாடகத் துறை மற்றும் திரைப்படத் துறையில் தனது அபாரமான நடிப்பை வெளிப்படுத்திய மேரி பெத் ஹர்ட் உயரிய விருதுகளுக்குப் பரிந்துரைக்கப்பட்டவர் என்பது குறிப்பிடத்தக்கது. குறிப்பாக திரைத்துறையில் மிக உயரியதாகக் கருதப்படும் டோனி மற்றும் பாஃப்டா உள்ளிட்ட விருதுகளின் பரிந்துரைப் பட்டியலில் இவரது பெயர் இடம்பெற்றுள்ளது. பல தசாப்தங்களாகத் தனது கலைப் பயணத்தின் மூலம் உலகத் திரையுலகில் தனக்கென ஒரு தனி இடத்தைப் பிடித்திருந்தார்.
சிறந்த குணச்சித்திர நடிகையாகப் போற்றப்பட்ட இவரது மறைவு சர்வதேச திரைத்துறையினரிடையே பெரும் சோகத்தையும் அதிர்ச்சியையும் ஏற்படுத்தியுள்ளது. சமூக வலைதளங்கள் வாயிலாக உலகெங்கிலும் உள்ள திரைக்கலைஞர்களும் ரசிகர்களும் அவருக்குத் தங்களது இரங்கல்களைத் தெரிவித்து வருகின்றனர். ஒரு சிறந்த கலைப் பொக்கிஷத்தை இழந்துவிட்டதாக ஹாலிவுட் திரையுலகம் ஆழ்ந்த வருத்தத்தில் மூழ்கியுள்ளது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!