நான் முதல்வராவேன்னு நினைச்சு கூட பாக்கல.. பதவியேற்ற பிறகு ரேகா குப்தா நெகிழ்ச்சி!
இந்தியாவின் தலைநகர் டெல்லி சட்டப்பேரவை தேர்தலில் பாஜக வெற்றிபெற்ற நிலையில் ஆட்சியை பிடித்துள்ளது. இதற்கு முன்னதாக கடந்த 1993ம் ஆண்டு பாஜக ஆட்சி அமைத்ததது. இந்த சமயத்தில் சாகிப் சிங் வர்மா, மதன் லால் குரானா, சுஷ்மா சுவராஜ் ஆகியோர் முதல்வர்களாக பதவி வகித்தனர். அதன்பிறகு, 27 ஆண்டுகளுக்கு பிறகு நடந்து முடிந்த தேர்தலில் 70 தொகுதிகளில் 44 தொகுதியில் பாஜக வெற்றிபெற்று டெல்லியில் ஆட்சியை பிடித்துள்ளது.
பாஜக வெற்றிபெற்றதை தொடர்ந்து முதல்வராக யார் தேர்வு செய்யப்படுவார் என எதிர்பார்ப்புகள் எழுந்து வந்தன. இந்நிலையில், பிரதமர் மோடியின் வெளிநாட்டு பயணங்களுக்கு பிறகு நேற்று இது தொடர்பான ஆலோசனை கூட்டம் நடைபெற்றது. இந்த கூட்டத்தில் 2007 மற்றும் 2012ல் டெல்லியில் கவுன்சிலர் பதவி, முதல் முறையாக சட்டமன்ற தேர்தல் அதிலும் வெற்றி பெற்று முதல் முறையாக எம்எல்ஏவாக தேர்வான ரேகா குப்தா டெல்லியின் முதல்வராக தேர்வு செய்யப்பட்டார். டெல்லியின் 9வது முதலமைச்சராக ரேகா குப்தா தேர்வு செய்யப்பட்ட நிலையில் அவருடைய பதவியேற்பு விழா இன்று நடைபெற்றது.
டெல்லி முதல்வராக தேர்வாகியுள்ள ரேகா குப்தா இன்று பிப்ரவரி 20, 2025) டெல்லி ராம்லீலா மைதானத்தில் நடைபெற்ற பிரம்மாண்ட விழாவில் முதல்வராக பொறுப்பேற்றுக்கொண்டார் இந்த விழாவில் பிரதமர் மோடி, உள்துறை அமைச்சர் அமித்ஷா, பாஜக தேசிய தலைவர் ஜே.பி. நட்டா, பாஜக ஆதரவாளர்கள் பலரும் கலந்து கொண்டனர்.
ரேகா குப்தா ” நான் முதல்வராக வருவேன் என உண்மையில் நினைத்து கூட பார்க்கவில்லை. என்னை நம்பி எனக்கு இவ்வளவு பெரிய பதவியை வழங்கிய பிரதமர் மோடிக்கு நான் நன்றியுரை தெரிவித்து கொள்கிறேன். நிச்சயமாக எனக்கு கிடைத்திருக்கும் இந்த பெரிய பொறுப்பை நான் நேர்மையாக பயன்படுத்துவேன். எங்களுடைய கட்சி கொடுத்த வாக்குறுதிகள் அணைத்தையும் நிறைவேற்றுவது தான் என்னுடைய முதல் நோக்கம். முதலில் அதற்கான வேலைகளை தான் செய்வேன். எங்கள் 48 எம்எல்ஏக்களும் ஒரு அணியாக மோடியாகச் செயல்படுவார்கள்” எனவும் நெகிழ்ச்சியாக ரேகா குப்தா பேசினார்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!