100 கோழிகளில் தொடங்கி 15 கோடி ... இந்திய விவசாயி ஆக்ஸ்போர்டு பல்கலைக்கழகத்தில் உரை!
மராட்டிய மாநிலம் அமராவதி மாவட்டத்தைச் சேர்ந்த ரவீந்திர மாணிக்ராவ் மெட்கர் (57) என்ற விவசாயியின் வாழ்க்கை வரலாறு, இன்று உலகளாவிய அளவில் ஒரு மிகப்பெரிய உத்வேகமாக மாறியுள்ளது. 1984-ஆம் ஆண்டு கல்லூரி மாணவராக இருந்தபோது, தனது வீட்டின் மொட்டைமாடியில் வெறும் 100 கோழிகளுடன், தந்தை கொடுத்த 3,000 ரூபாயை முதலீடாகக் கொண்டு அவர் தொடங்கிய அந்த எளிய பயணம், இன்று ஆண்டுக்கு 15 கோடி ரூபாய் வருவாய் ஈட்டும் ஒரு மாபெரும் சாம்ராஜ்யமாக உருவெடுத்துள்ளது. வணிகவியலில் முதுகலை (M.Com) பட்டம் பெற்ற அவர், தனது குடும்ப நிலத்தை விற்று பட்னேரா பகுதியில் ஒரு ஏக்கர் நிலம் வாங்கி, வங்கிக் கடன் உதவியுடன் தனது தொழிலை விரிவுபடுத்தத் தொடங்கினார்.
வாழ்க்கை எப்போதும் சீராக இருப்பதில்லை என்பதற்குச் சான்றாக, 2000-களின் தொடக்கத்தில் ஏற்பட்ட 'பறவைக் காய்ச்சல்' மெட்கரின் பல ஆண்டுகால உழைப்பை அடியோடு முடக்கியது. தொழில் நஷ்டமடைந்தாலும் மனம் தளராத மெட்கர், 2008-ல் மீண்டும் துணிச்சலுடன் களமிறங்கினார். ஒவ்வொரு ஆண்டும் 10,000 கோழிகளைத் தனது பண்ணையில் அதிகரித்துக்கொண்டே சென்றார். விடாமுயற்சியின் பலனாக இன்று அவரிடம் 50 ஏக்கர் பரப்பளவில் 1.8 லட்சம் கோழிகள் உள்ளன. சாதாரண விவசாயியாகத் தொடங்கிய இவர், இன்று வேளாண்மை மாணவர்களுக்கும் சக விவசாயிகளுக்கும் ஒரு சிறந்த வழிகாட்டியாகத் திகழ்கிறார்.
மெட்கரின் இந்தச் சாதனைப் பயணம் இந்திய எல்லைகளைத் தாண்டி, தற்போது இங்கிலாந்தின் புகழ்பெற்ற ஆக்ஸ்போர்டு பல்கலைக்கழகம் வரை சென்றடைந்துள்ளது. அங்கு தனது வெற்றிக் கதையை உரையாக ஆற்ற அவருக்குக் கிடைத்துள்ள உலகளாவிய அழைப்பு, இந்திய விவசாயிகளுக்குக் கிடைத்த மிகப்பெரிய கௌரவமாகக் கருதப்படுகிறது. "திட்டமிட்ட உழைப்பும், சவால்களை எதிர்கொள்ளும் துணிச்சலும் இருந்தால் ஒரு விவசாயியால் உலகத்தையே திரும்பிப் பார்க்க வைக்க முடியும்" என்பதற்கு ரவீந்திர மெட்கர் ஒரு வாழும் உதாரணமாகத் திகழ்கிறார். மார்ச் 20-ஆம் தேதியான இன்று, இவரது இந்த வெற்றிச் செய்தி சமூக வலைதளங்களில் பலருக்கும் பெரும் ஊக்கத்தை அளித்து வருகிறது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!