உலகக் கடல்சார் அரங்கில் இந்தியாவின் ஆதிக்கம்... ஐ.எம்.ஓ. கவுன்சிலுக்கு மீண்டும் தேர்வு!

உலகளாவிய கடல்சார் வர்த்தகம் மற்றும் போக்குவரத்தை ஒழுங்குபடுத்தும் முன்னணி அதிகார அமைப்பான சர்வதேச கடல்சார் அமைப்பின் (International Maritime Organization - IMO) நிர்வாகக் கவுன்சிலுக்கு, இந்தியா மீண்டும் தேர்ந்தெடுக்கப்பட்டுள்ளது. இந்தத் தேர்வில் மொத்தமுள்ள வாக்குகளில் பெரும்பான்மையை இந்தியா பெற்றிருப்பது, சர்வதேச அரங்கில் அதன் முக்கியத்துவத்தைக் காட்டுகிறது.

சர்வதேச கடல்சார் அமைப்பின் நிர்வாகக் கவுன்சிலுக்கான தேர்தல், லண்டனில் நடைபெற்ற நிர்வாகக் கூட்டத்தின்போது நடந்தது. பல்வேறு நாடுகள் போட்டியிட்ட இந்தத் தேர்தலில், இந்தியாவுக்கு அமோக ஆதரவு கிடைத்தது. கவுன்சில் தேர்தலில் மொத்தமாக 169 நாடுகள் வாக்களித்தன. அதில் இந்தியாவுக்கு ஆதரவாக 154 வாக்குகள் கிடைத்தன.

பெரும்பாலான நாடுகளின் ஆதரவைப் பெற்று இந்தியா மீண்டும் தேர்ந்தெடுக்கப்பட்டிருப்பது, உலகளாவிய கடல்சார் சவால்களை எதிர்கொள்வதில் அதன் நிலைப்பாட்டிற்கும், பங்களிப்புக்கும் கிடைத்துள்ள அங்கீகாரமாகக் கருதப்படுகிறது.

சர்வதேச கடல்சார் அமைப்பின் கவுன்சிலுக்கு இந்தியா மீண்டும் தேர்ந்தெடுக்கப்பட்டது குறித்து மத்திய வெளியுறவுத் துறை அமைச்சகம் அறிக்கை ஒன்றை வெளியிட்டுள்ளது.

அதில், "உலகளாவிய கடல்சார் களத்தில் தொடர்ந்து சேவை செய்வதற்காக, இந்தியாவிற்கு சர்வதேசச் சமூகத்தின் மிகப்பெரிய அளவிலான ஆதரவு கிடைத்துள்ளது. இது, கடல்சார் வர்த்தகம் மற்றும் பாதுகாப்பில் இந்தியா கொண்டுள்ள அக்கறையையும், அதன் செயல்பாடுகளையும் சர்வதேச நாடுகள் அங்கீகரித்துள்ளதையே காட்டுகிறது" என்று பெருமிதத்துடன் தெரிவிக்கப்பட்டுள்ளது.

சர்வதேசக் கடல்சார் வர்த்தகத்தின் முக்கிய நாடாக விளங்கும் இந்தியா, இந்த கவுன்சில் பதவியின் மூலம், கடல்சார் தொழிலின் விதிமுறைகளை உருவாக்குவதிலும், சர்வதேச கடல்சார் பாதுகாப்பை மேம்படுத்துவதிலும் தொடர்ந்து முக்கியப் பங்காற்றும்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!