மதுரையில் ஜூனியர் ஹாக்கி கோப்பை தொடர் உற்சாக தொடக்கம்!

தமிழ்நாட்டில் முதன்முறையாக நடைபெறும் உலகக் கோப்பை ஜூனியர் ஹாக்கி போட்டி மதுரை நகரை விளையாட்டு வெள்ளத்தில் மூழ்கடித்து வருகிறது. நவம்பர் 28 முதல் டிசம்பர் 10 வரை நடைபெறும் இந்த 14-ஆவது ஜூனியர் ஆடவர் உலகக் கோப்பையில் அயர்லாந்து, சுவிட்சர்லாந்து, இங்கிலாந்து உள்ளிட்ட 12 நாடுகளைச் சேர்ந்த அணிகள் மதுரையில் மோதுகின்றன. வெளிநாட்டு வீரர்கள் 8 நட்சத்திர ஹோட்டல்களில் தங்கவைக்கப்பட்டுள்ள நிலையில், போட்டிகளை காண பொதுமக்களுக்கு இலவச அனுமதி வழங்கப்பட்டிருப்பது மேலும் ஆவலை கூட்டியுள்ளது.

மதுரை ஹாக்கி மைதானத்தில் 1,456 பார்வையாளர்கள் அமரக் கூடிய தற்காலிக இருக்கை வசதி செய்யப்பட்டிருக்கிறது. ஒரு நாள் டிக்கெட்டில் அன்றைய நான்கு போட்டிகளையும் காணலாம் என்பதால், இணையத்தள பதிவு தொடங்கிய மூன்று நாட்களிலேயே முதல் நான்கு நாள் டிக்கெட்டுகள் முழுமையாக புக்கானது. இளம் வீரர்கள் மோதும் இந்த சர்வதேச அரங்கில் ரசிகர்களின் பார்வை ஏற்கெனவே குவிந்து, போட்டி சூடு ஏறிக் கொண்டிருக்கிறது.

இந்த தொடரின் முதல் மோதல் வெள்ளிக்கிழமை தென்னாப்பிரிக்கா – ஜெர்மனி அணிகள் மோதலுடன் மதுரையில் தொடங்கியது. மொத்தம் 72 ஆட்டங்கள் நடைபெறும் நிலையில், மதுரையில் 31 போட்டிகளும், சென்னை அரங்கில் 41 போட்டிகளும் நடக்கின்றன. ஜெர்மனி, தென்னாப்பிரிக்கா, அயர்லாந்து முதல் ஆஸ்திரேலியா வரை 12 நாடுகள் மதுரையில் களம் காண, மீதமுள்ள அணிகள் சென்னையில் மோத உள்ளன. 24 அணிகள் ஒன்று திரண்ட உலக இளம் ஹாக்கி விருந்தை தமிழ்நாடு பெருமையுடன் வரவேற்று வருகிறது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!