இன்று கார்த்திகை தீபம்... வீடுகளில் விளக்கேற்ற உகந்த நேரம் இதோ… |

கார்த்திகை தீபத் திருநாள் இன்று கொண்டாடப்படுவதையொட்டி, வீடுகளில் தீபமேற்ற வேண்டிய நேரம் குறித்து பக்தர்கள் ஆர்வமாகத் தெரிந்து வருகின்றனர். திருவண்ணாமலை அருணாசலேஸ்வரர் கோயிலில் இன்று மாலை 6 மணி அளவில் மகாதீபம் ஏற்றப்பட உள்ளது. சிவனுக்கு சிறப்பு வாய்ந்த திருக்கார்த்திகை நாளில் தீபமேற்றும் வழக்கம் பக்தர்களால் மிகுந்த பக்தியுடன் கடைபிடிக்கப்படுகிறது. பவுர்ணமி நாளையாவது வந்தாலும், கார்த்திகை நட்சத்திரம் இன்று மாலை 4.48 மணி முதல் நாளை மாலை 3.08 மணி வரை அமைந்துள்ளதால் இன்று தீபத்திருநாள்  கடைபிடிக்கப் படுகிறது.

இந்த நாளில் விரதமிருக்க நினைப்பவர்கள் காலை முதல் ஒரு பொழுது தவிர்த்திருக்கும் விரதத்தை மேற்கொள்ளலாம். பால், பழச்சாறு, இளநீர் போன்றவை மட்டும் எடுத்துக் கொள்ளலாம். மவுன விரதமும் இந்த நாளின் முக்கிய அம்சங்களில் ஒன்று. மாலை 6 மணிக்கு தீபம் ஏற்றுவது உகந்த நேரமாகக் கூறப்பட்டுள்ளது. மொத்தம் 27 அகல் தீபங்கள் ஏற்றி வீட்டு வாசல், படிக்கட்டு, சமையலறை, மொட்டைமாடி உள்ளிட்ட இடங்களில் தீப ஒளியால் பிரகாசப்படுத்தும் வழக்கம் உள்ளது. தீபத்துக்கான அகல்களை எண்ணெய், பஞ்சுத்திரி போட்டு முன்கூட்டியே தயார் செய்து வைத்திருக்கலாம்.

அண்ணாமலையார் கோயிலில் இன்று ஏற்றப்படும் மகாதீபம் 2,668 அடி உயர மலை உச்சியில் 4,500 கிலோ ஆவின் நெய், 1,500 மீட்டர் காட்டன் திரியுடன் ஏற்றப்படும். இந்த மகா தீபம் அடுத்த 10 நாட்கள் அணையாமல் ஜோதி ஸ்வரூபமாக விளங்கும். அப்படியே அண்ணாமலையாருக்கு "அரோகரா!" என கூறி வீடுகளில் தீபம் ஏற்றுவதால் குடும்பம் முழுவதும் செல்வம், சுகம், அமைதி நிறைந்து வளம் பெருகும் என நம்பப்படுகிறது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!