லைவ் வீடியோ!! அமெரிக்காவை கண்காணிக்கும் சீனாவின் உளவு பலூன்!!

உலகின் வல்லரசு நாடான அமெரிக்காவை வந்து பார் என சீண்டி வரும் சீனா தற்போது பலூன்களை அனுப்பி உளவு வேலை பார்த்து வருகிறது. சில நாட்களில் அமெரிக்க வெளியுறவு துறை அமைச்சர் சீனா செல்ல இருந்த நிலையில் அடுத்தடுத்து 2 சீன பலூன்கள் அமெரிக்காவின்  அணுசக்தி ஏவுதளத்தின் வான்பரப்பில்  பறந்து சென்றது பெரும் பரபரப்பையும், அதிர்ச்சியையும் ஏற்படுத்தியுள்ளது.  உடனடியாக அந்த மர்ம பலூனை சுட்டு வீழ்த்த நடவடிக்கை எடுக்கப்பட்டது. ஆனால் அணுசக்தி ஏவுதளம் மீது பறக்கும்போது பலூனை சுட்டு வீழ்த்தினால் ஆபத்து ஏற்பட வாய்ப்பு உள்ளது. தவிரவும், மக்களுக்கும் பாதிப்பு ஏற்பட கூடும் என்பதற்காக அந்த முயற்சியை அமெரிக்க ராணுவம் கைவிட்டது. 

அதன் இயக்கம் சார்ந்த தொடர் நடவடிக்கைகளை கண்காணித்து வந்தது. இதனை அடுத்து, கனடா நாட்டு தேசிய பாதுகாப்பு துறையும், அமெரிக்காவுடன் இணைந்து, சந்தேகத்திற்குரிய சீனாவின் உளவு பலூனின் இயக்கம் பற்றி கண்டறியும் பணியில் ஈடுபட்டு வருகிறது. கனடா நாட்டு மக்கள் பாதுகாப்புடன் உள்ளனர். கனடாவின் வான்வெளி பாதுகாப்பை உறுதி செய்யும் நடவடிக்கைகள் எடுக்கப்பட்டு உள்ளன என்றும் அந்நாடு தெரிவித்து உள்ளது.

இதன் எதிரொலியாக அமெரிக்க வெளியுறவு துறை அமைச்சர் அந்தோணி பிளிங்கன் இந்த வார இறுதியில் மேற்கொள்ள இருந்த சீன பயணம் தள்ளி போடப்பட்டுள்ளது. அமெரிக்க வான்வெளியில், சீனாவின் உளவு பலூன் பறந்திருப்பது, அமெரிக்க இறையாண்மை மற்றும் சர்வதேச சட்ட விதிமீறல் என தெளிவாக தெரிகிறது என பிளிங்கன் கூறியுள்ளார். 

இந்நிலையில், சீன வெளியுறவு விவகார அமைச்சகம் வெளியிட்டு உள்ள விளக்கத்தில், அது குடிமக்கள் பயன்பாட்டிற்காக சீனாவில் இருந்து வந்த ஆகாய கப்பல் வகையை சேர்ந்த விமானம். ஆராய்ச்சி பணியில், குறிப்பிடும்படியாக வானிலை ஆய்வு தொடர்புடைய பணியில் ஈடுபட கூடிய நோக்கத்திற்கானது. மேற்கத்திய காற்று பாதிப்பால் மற்றும் குறைவான சுய இயங்கு தன்மையாலும், திட்டமிட்ட இலக்கை விட்டு அது திசைமாறி தொலைவுக்கு சென்று விட்டது என தெரிவித்து உள்ளது. அமெரிக்க வான்பரப்புக்குள் தவறுதலாக நுழைந்ததற்காக எங்களது தரப்பில் வருத்தம் தெரிவித்து கொள்கிறோம் என்று அதில் தெரிவிக்கப்பட்டு உள்ளது. இதுபற்றி அமெரிக்க தரப்புடன் தொடர்ந்து தொடர்பு கொண்டு, எதிர்பாராது நடந்த இந்த சூழலை பற்றி விளக்குவோம் என்றும் தெரிவித்துள்ளது.

BREAKING: Video appears to show something exploded over Billings, Montana pic.twitter.com/KH41kH48jG

— Insider Paper (@TheInsiderPaper) February 4, 2023

எனினும், பென்டகனின் செய்தி தொடர்பாளர் பிரிகேடியர் ஜெனரல் பேட் ரைடர் கூறுகையில், அந்த பலூன் தொடர்ந்து கிழக்கு நோக்கி நகர்ந்து கொண்டிருக்கிறது. அமெரிக்க கண்ட பகுதியின் மையத்தின் மேல் செல்கிறது. அது மக்களுக்கு ராணுவ அல்லது உடலியல் சார்ந்த அச்சுறுத்தல்களை ஏற்படுத்தவில்லை என்பது பற்றி இந்த நேரத்தில் நாங்கள் முடிவு செய்து இருக்கிறோம். தொடர்ந்து அதனை கண்காணித்து முடிவுகளை பற்றி ஆய்வு செய்வோம் என கூறியுள்ளார். 

சீனா அளித்துள்ள விளக்கம் பற்றிய கேள்விக்கு பதிலளித்த அவர், சீன அரசின் விளக்கம் பற்றி நன்றாக எங்களுக்கு தெரியும். ஆனால், உண்மை என்னவெனில் அது ஒரு உளவு பலூன் என்பது எங்களுக்கு தெரியும். அது அமெரிக்க வான்வெளி மற்றும் சர்வதேச சட்டம் ஆகியவற்றை மீறியுள்ளது. அது ஏற்று கொள்ளப்பட முடியாதது. இதனை நாங்கள் சீன அரசிடம் நேரடியாகவே, தூதரக அளவில் உள்பட பல்வேறு மட்டங்களில் தெரிவித்து விட்டோம் என கூறியுள்ளார்.

இந்த நிலையில், அமெரிக்கா அணுசக்தி தளம் அமைந்த மொன்டானா அருகே வானில் வெடிவிபத்து ஏற்பட்ட வீடியோ வெளிவந்து பரபரப்பு ஏற்படுத்தி உள்ளது. இதேபோன்று, மற்றொரு சீன உளவு பலூன் பறந்து வருகிறது என்ற தகவலும் வெளிவந்து உள்ளது. இதனால் அடுத்தடுத்து பரபரப்பு ஏற்பட்டு உள்ளது. இதுபற்றி பேட் ரைடர் சி.என்.என்.னுக்கு அளித்த பேட்டியில், லத்தீன் அமெரிக்கா மீது மற்றொரு சீன உளவு பலூன் பறந்து கொண்டிருக்கிறது என்ற தகவல்கள் எங்களுக்கு கிடைத்து உள்ளன. இது சீனாவின் மற்றொரு உளவு பலூனா? என நாங்கள் ஆய்வு செய்து வருகிறோம் என கூறியுள்ளார். 

இதுகுறித்து மற்றொரு அமெரிக்க அதிகாரி கூறும்போது, லத்தீன் அமெரிக்காவின் எந்த பகுதி மீது சரியாக அது பறந்து செல்கிறது என்பது பற்றி தெளிவாக தெரியவில்லை. ஆனால், அது தற்போது அமெரிக்காவை நோக்கி வரவில்லை என்பது போன்று தெரிகிறது என கூறியுள்ளார். இந்த நிலையில், மொன்டானாவின் பில்லிங்ஸ் பகுதி மீது குண்டுவெடிப்பு நடந்தது போன்ற வீடியோ ஒன்றும் வெளிவந்து பரபரப்பு ஏற்படுத்தி உள்ளது. அதில், வெள்ளை நிறத்தில் தொடர்ச்சியாக வானில் புகை பரவி காணப்படுகிறது. ஏதோ ஒரு பொருள் வெடித்து பூமியில் வீழ்வது போன்ற காட்சிகள் இடம் பெற்று உள்ளன.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!!

2023 இந்த 6 ராசிகளுக்கு அதிர்ஷ்டம் அலைமோதும்! பயன்படுத்திக்கோங்க