தமிழகத்தை நெருங்கும் காற்றழுத்த தாழ்வு மண்டலம் - 4 நாட்களுக்கு கனமழைக்கு வாய்ப்பு!

வங்கக்கடலில் நிலைகொண்டிருந்த காற்றழுத்த தாழ்வுப் பகுதி தற்போது தீவிர காற்றழுத்த தாழ்வுப் பகுதியாக வலுவடைந்துள்ளது. இது மேலும் வலுப்பெற்றுத் தமிழகக் கடற்கரையை நோக்கி நகர உள்ளதால், மழைக்கான வாய்ப்பு பிரகாசமாகியுள்ளது.

ஜனவரி 9ம் தேதி (வெள்ளிக்கிழமை): அன்றைய தினம் பிற்பகலில் காவிரி டெல்டா மாவட்டங்களில் (தஞ்சை, திருவாரூர், நாகை) மழை தொடங்க உள்ளது.

ஜனவரி 10 - 12 (சனி முதல் திங்கள் வரை): மழை படிப்படியாகத் தமிழகத்தின் பிற கடலோர மாவட்டங்களுக்கும், சென்னையைச் சுற்றியுள்ள பகுதிகளுக்கும் பரவும்.

வானிலை ஆய்வாளர்களின் கணிப்புப்படி, சென்னை மற்றும் கடலோர மாவட்டங்கள்: ஜனவரி 10 மற்றும் 11 ஆகிய தேதிகளில் சென்னை, செங்கல்பட்டு, காஞ்சிபுரம் மற்றும் திருவள்ளூர் மாவட்டங்களில் பரவலாகக் கனமழை பெய்ய வாய்ப்புள்ளது.

காற்றழுத்த தாழ்வு மண்டலம் கடற்கரையை நெருங்கும்போது, காற்றில் ஏற்படும் மாற்றம் காரணமாக ஓரிரு இடங்களில் அதிகனமழை பெய்யக்கூடும். கடலோரப் பகுதிகளைத் தொடர்ந்து மதுரை, திருச்சி உள்ளிட்ட உள் மாவட்டங்களிலும் மழை பெய்யும் என்று எதிர்பார்க்கப்படுகிறது.

இந்த மழை தற்போது அறுவடைக்குத் தயாராக இருக்கும் பயிர்களுக்குச் சாதகமாகவும், சில இடங்களில் அறுவடை செய்த நெல்லைப் பாதுகாப்பதில் பாதகமாகவும் அமையலாம். எனவே, விவசாயிகள் தங்கள் விளைபொருட்களைப் பாதுகாப்பான இடங்களில் வைக்குமாறு அறிவுறுத்தப்பட்டுள்ளனர்.

வரும் 9-ம் தேதி முதல் சிறப்புப் பேருந்துகள் இயக்கப்பட உள்ள நிலையில், மழை பெய்தால் சாலைகளில் போக்குவரத்து நெரிசல் மற்றும் வேகம் குறைய வாய்ப்புள்ளது. எனவே, பயணிகள் தங்கள் பயண நேரத்தை முன்கூட்டியே திட்டமிடுவது அவசியம்.

தாழ்வு மண்டலம் வலுவடைவதால் மீனவர்கள் ஆழ்கடல் பகுதிக்குச் செல்ல வேண்டாம் என்றும், கடற்கரை ஓரங்களில் காற்றின் வேகம் அதிகமாக இருக்கும் என்றும் எச்சரிக்கப்பட்டுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!