மதுரா படகு விபத்து: பலி எண்ணிக்கை 15-ஆக உயர்வு!

உத்தரப்பிரதேச மாநிலம் மதுராவில் உள்ள யமுனை நதியில் நிகழ்ந்த கோர படகு விபத்தில் உயிரிழந்தவர்களின் எண்ணிக்கை 15-ஆக அதிகரித்துள்ளது. மதுராவின் புகழ்பெற்ற கிருஷ்ண ஜென்மபூமி உள்ளிட்ட இடங்களைச் சுற்றிப் பார்க்க வந்த சுற்றுலாப் பயணிகள் மற்றும் பக்தர்கள் சென்ற படகு, ஆற்றில் எதிர்பாராத விதமாக கவிழ்ந்து விபத்துக்குள்ளானது.

Death toll in #Mathura boat accident rises to 15 after two more bodies recovered from the #YamunaRiver; search operations continue, say officials.#YamunaBoatAccident https://t.co/9nxReukZwA

— National Herald (@NH_India) April 13, 2026

நேற்று மாலை நிகழ்ந்த இந்த விபத்தில், படகில் அனுமதிக்கப்பட்ட அளவை விட அதிகமானோர் பயணித்ததே விபத்திற்குக் காரணம் என முதற்கட்ட விசாரணையில் தெரியவந்துள்ளது. விபத்து நடந்த உடனேயே உள்ளூர் மக்கள் மற்றும் மீட்புப் படையினர் விரைந்து வந்து பலரை மீட்டனர். இருப்பினும், ஆற்றில் மூழ்கி உயிரிழந்தவர்களின் உடல்கள் ஒவ்வொன்றாக மீட்கப்பட்டு வரும் நிலையில், தற்போது பலி எண்ணிக்கை 15-ஐ எட்டியுள்ளது. உயிரிழந்தவர்களில் பெரும்பாலானோர் பெண்கள் மற்றும் குழந்தைகள் என்பது குறிப்பிடத்தக்கது.

தேசிய பேரிடர் மீட்புப் படையினர் (NDRF) மற்றும் மாநில பேரிடர் மீட்புப் படையினர் இணைந்து ஆற்றில் மாயமான மற்றவர்களைத் தேடும் பணியில் தொடர்ந்து ஈடுபட்டு வருகின்றனர். காயமடைந்தவர்கள் அருகில் உள்ள மருத்துவமனைகளில் அனுமதிக்கப்பட்டு தீவிர சிகிச்சை பெற்று வருகின்றனர். இந்தத் துயரச் சம்பவத்திற்கு ஆழ்ந்த இரங்கல் தெரிவித்துள்ள மாநில அரசு, உயிரிழந்தவர்களின் குடும்பங்களுக்கு நிதியுதவி அறிவித்துள்ளது. மேலும், விதிமுறைகளை மீறி படகு இயக்கியவர்கள் மீது கடும் நடவடிக்கை எடுக்க உத்தரவிடப்பட்டுள்ளது. இச்சம்பவம் மதுரா மற்றும் அதன் சுற்றுவட்டாரப் பகுதிகளில் பெரும் சோகத்தை ஏற்படுத்தியுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!