ஈரானில் உச்சக்கட்ட அடக்குமுறை... 2,000 பேர் பலி?! உலக நாடுகளின் எச்சரிக்கையையும் மீறித் தொடரும் துப்பாக்கிச் சூடு!
ஈரானில் நிலவும் கடும் பொருளாதார நெருக்கடி மற்றும் பணவீக்கத்திற்கு எதிராகத் தொடங்கிய மக்கள் போராட்டம், தற்போது அந்நாட்டின் உச்சத் தலைவர் அயதுல்லா அலி கமேனிக்கு எதிரான மாபெரும் புரட்சியாக உருவெடுத்துள்ளது.
கடந்த டிசம்பர் 28, 2025 அன்று தெஹ்ரானின் புகழ்பெற்ற 'கிராண்ட் பஜாரில்' வியாபாரிகள் தொடங்கிய வேலைநிறுத்தம், இன்று ஈரானின் 31 மாகாணங்களுக்கும் பரவியுள்ளது. ஈரானிய கரன்சியான 'ரியால்' மதிப்பு வரலாறு காணாத வீழ்ச்சியைச் சந்தித்துள்ளது. இதனால் உணவுப் பொருட்கள் மற்றும் எரிபொருள் விலை 70% வரை உயர்ந்துள்ளது. ஆரம்பத்தில் விலைவாசி உயர்வைக் கண்டித்துப் போராடிய மக்கள், இப்போது "சர்வாதிகாரிக்கு மரணம்" என்றும், "இஸ்லாமிய குடியரசு வேண்டாம்" என்றும் முழக்கமிடத் தொடங்கியுள்ளனர். போராட்டத்தை ஒடுக்க ஈரான் பாதுகாப்புப் படையினர் நேரடித் துப்பாக்கிச் சூடு நடத்தி வருகின்றனர். இதனால் பலி எண்ணிக்கை குறித்துப் பல்வேறு திடுக்கிடும் தகவல்கள் வெளியாகின்றன:
இதுவரை 2,003 பேர் கொல்லப்பட்டதாகத் தெரிவித்துள்ளது. இதில் 1,850 போராட்டக்காரர்கள் மற்றும் 135 பாதுகாப்புப் படையினர் அடங்குவர். 9 சிறுவர்களும் இதில் பலியாகியுள்ளனர். 'ஈரான் இன்டர்நேஷனல்' போன்ற ஊடகங்கள், பலி எண்ணிக்கை 12,000-ஐத் தாண்டக்கூடும் எனத் தெரிவித்துள்ளன. இது 1979 புரட்சிக்குப் பிறகு நடக்கும் மிகப்பெரிய படுகொலை என அவர்கள் கூறுகின்றனர்.
சுமார் 2,000 பேர் உயிரிழந்துள்ளதாக அரசு அதிகாரி ஒருவர் ஒப்புக்கொண்டுள்ளார். ஆனால், இதற்கு "பயங்கரவாதிகளே" காரணம் என அரசு குற்றம் சாட்டுகிறது.
சுமார் 16,700-க்கும் மேற்பட்டோர் இதுவரை கைது செய்யப்பட்டுள்ளனர். போராட்டம் குறித்த தகவல்கள் வெளியே பரவாமல் இருக்க, கடந்த ஜனவரி 8 முதல் ஈரானில் இணையச் சேவை மற்றும் தொலைபேசி இணைப்புகள் துண்டிக்கப்பட்டுள்ளன. எலான் மாஸ்க்கின் 'ஸ்டார்லிங்க்' (Starlink) சேவையையும் முடக்க ஈரான் அரசு தீவிரமாகச் செயல்பட்டு வருகிறது.
அமெரிக்க அதிபர் டொனால்ட் ட்ரம்ப், ஈரானியப் போராட்டக்காரர்களுக்கு ஆதரவு தெரிவித்துள்ளார். "உதவி வந்து கொண்டிருக்கிறது; நிறுவனங்களைக் கைப்பற்றுங்கள்" என அவர் தனது சமூக வலைதளத்தில் பதிவிட்டுள்ளார். மேலும், ஈரானுடனான அனைத்துப் பேச்சுவார்த்தைகளையும் ரத்து செய்துள்ளார். ஈரான் அணுசக்தி நிலையங்கள் மீது கடந்த ஆண்டு இஸ்ரேல் நடத்திய தாக்குதலால் ஏற்கனவே நிலவி வரும் பதற்றம், இந்தப் போராட்டத்தினால் மேலும் அதிகரித்துள்ளது.
ஈரானின் 86 வயது உச்சத் தலைவர் அலி கமேனியின் ஆட்சிக்கு, கடந்த 40 ஆண்டுகளில் இல்லாத மிகப்பெரிய சவாலாக இந்தப் போராட்டம் அமைந்துள்ளது. ராணுவம் மற்றும் புரட்சிகர பாதுகாப்புப் படையினர் கையில் முழு அதிகாரம் இருப்பதால், போராட்டத்தை ஒடுக்க இன்னும் கடுமையான நடவடிக்கைகள் எடுக்கப்படலாம் என அஞ்சப்படுகிறது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!