U19 உலகக் கோப்பையில் இந்தியா அதிரடி வெற்றி … பிரதமர் மோடி பாராட்டு!
ஜிம்பாப்வேயில் நடைபெற்ற 19 வயதுக்குட்பட்டோர் உலகக் கோப்பை இறுதிப்போட்டியில் இந்திய அணி அதிரடி வெற்றி பெற்றது. இங்கிலாந்து அணியை 100 ரன்கள் வித்தியாசத்தில் வீழ்த்தி இந்தியா 6-வது முறையாக சாம்பியன் பட்டத்தை கைப்பற்றியது. முதலில் விளையாடிய இந்திய அணி 50 ஓவர்களில் 9 விக்கெட் இழப்புக்கு 411 ரன்கள் குவித்து வலுவான இலக்கை நிர்ணயித்தது.
பெரும் இலக்கை துரத்திய இங்கிலாந்து அணி இந்திய பந்துவீச்சை சமாளிக்க முடியாமல் தடுமாறியது. தொடக்கம் முதலே இந்திய வீரர்கள் கட்டுப்பாட்டுடன் விளையாடி வெற்றியை உறுதி செய்தனர். இந்த வெற்றியால் இந்திய அணிக்கு நாடு முழுவதும் இருந்து பாராட்டுகள் குவிந்து வருகின்றன.
இந்த நிலையில் பிரதமர் நரேந்திர மோடி இந்திய அணியை வாழ்த்தியுள்ளார். உலகக் கோப்பையை வென்று நாட்டுக்கு பெருமை சேர்த்துள்ள இளம் வீரர்களின் திறமை பாராட்டுக்குரியது என தெரிவித்துள்ளார். இந்த வெற்றி பல இளம் விளையாட்டு வீரர்களுக்கு ஊக்கமாக இருக்கும் என்றும், எதிர்காலத்தில் மேலும் சாதனைகள் படைக்க வாழ்த்துகள் என்றும் அவர் குறிப்பிட்டுள்ளார்.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!